Advertisement
 
 
 
 
 
 
 
 

Amakuru | Mu Rwanda

Ni akazi k’abanyamakuru kuvuga neza inkuru ziberekeye- Min. Busingye   

  Yanditswe na IMVAHO NSHYA
 2 months ago

 
 

Minisitiri w’Ubutabera akaba n’Intumwa Nkuru ya Leta, Johnston Busingye, yasabye Abanyamakuru bo mu Rwanda no muri Afurika guhuriza imbaraga hamwe mu gutangaza inkuru zerekana isura nyayo y’umugabane wabo aho kugendera ku bitangazwa n’ibitangazamakuru mpuzamahanga biba bifite izindi nyungu zibitera gutangaza inkuru uko bizibona.

Minisitiri Busingye yatangaje ibi mu kiganiro yatanze kuri uyu wa mbere tariki 7 Ugushyingo ubwo Abanyamakuru bo mu Rwanda bizihiza Umunsi Nyafurika w’Itangazamakuru.

Yagize ati “Itangazamakuru Nyafurika rikwiye gufat aya mahirwe, rigaharanira ubusugire bw’aho rikorera ritangaza amakuru nyayo ya Afurika. Ni inshingano zacu gusangiza abandi ibitwerekeye.”

Minisitiri Busingye yasabye abanyamakuru gushyira hamwe mu kwerekana isura nziza ya Afurika


Dr Frederick Golooba-Mutebi Umunyamakuru wigenga ukorera muri Uganda no mu Rwanda akaba n’umushakashatsi, yongeyeho ati “Afurika ntikeneye inkuru za byacitse. Ibinyamakuru bya Afurika bikwiye gutekereza mu buryo bwabo bihariye.”

Abanyamakuru bo mu Rwanda biyemeje gusigasira isura nziza y’igihugu cyabo batibagiwe n’Umugabane wa Afurika isi ibona nk’utagira ibyiza biwuturukamo kandi ari cyo kigega cy’umutungo kamere, ibyiza nyaaburanga, n’ibindi byinshi.

Umunyamabanga Nshingwabikorwa w’Inama Nkuru y’Itangazamakuru (MHC), Peacemaker Mbungiramihigo, yatangarije Imvaho Nshya ko abanyamakuru baherutse mu Itorero mu Kuboza umwaka ushize, basanze bagomba gufatanya na bagenzi babo bo ku mugabane w’Afurika, bakagaragaza ukuri, bagahangana n’ibikunze kugaragazwa n’ibitangazamakuru mpuzamahanga bigaragaza Afurika nk’ahantu h’inzara, amacakubiri n’ibindi.

Abanyamakuru bitabiriye kwizihiza Umunsi Nyafurika wabagenewe


Umunsi mu Rwanda wizihizwa hari abanyamakuru barindwi baturutse mu bihugu by’Umuryango w’Afurika y’Iburasirazuba, n’abaturutse muri Afurika y’Iburengerazuba, kugira ngo baganire n’abo mu Rwanda uko bagera kuri iyo ntego.

Umunsi Nyafurika w’Itangazamakuru wizihizwa buri mwaka tariki 7 Ugushyingo; muri uyu mwaka igira iti “Itangazamakuru Afurika ikeneye ni irihe?”

Byitezwe ko ibipimo by’iterambere ry’itangazamakuru mu Rwanda, bikaba bigaragaza ukuri, binyuranye n’ibijya bigaragazwa n’imiryango mpuzamahanga by’ibinyoma.

Haranarebwa kandi ku mihigo abanyamakuru bafatiye mu Itorero, aho bayigeze, hanahembwe abanyamakuru b’indashyikirwa.

Mu Muhango wo kwizihiza uyu munsi wabereye i Kigali, Umuhuzabikorwa w’amashami ya Loni mu Rwanda Lamin Manneh, yashimiye Guverinoma y’u Rwanda ku buryo rumaze kubaka urwego rw’itangazamakuru rutajegajega.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.