Advertisement
 
 
 
 
 
 
 
 

Amakuru | Mu Rwanda

Ngoma: Umuganga wishwe arashwe ’ntiyari abanye neza’ n’abo bakorana   

  Yanditswe na MANISHIMWE NOËL
 September 2016

 
 

Maniriho Christian w’imyaka 30 y’amavuko yishwe arashwe n’abataramenyekana ubwo yavaga gucuruza hafi y’iwe n’ikigo nderabuzima cya Nyange akoramo giherereye mu mudugudu wa Rusave, Akagari ka Nyange umurenge wa Mugesera mu karere ka Ngoma mu ijoro ryo kuri ku wa 4 Nzeri 2016.

Umunyamabanga Nshingwabikorwa w’Umurenge wa Mugesera byabereyemo Bizumuremyi Jean Damascene, yavuze ko Maniriho Christian wakoraga muri Laboratwari y’ikigo nderabuzima yarasiwe hafi yaho avuye gucuruza, ahagana saa tatu n’igice z’ijoro avuye ku kazi.

Mu kiganiro n’Imvaho Nshya, yagize ati “Byabaye aha saa tatu n’igice za nijoro… nyuma yo kumurasa, yahise aturitsa na grenade; bishoboka ko uwabikoze yagiraga ngo akure umutima abaturage abone n’uko abacika batamubonye.”

JPEG - 105.2 kb
Abaturage bahise baremeshwa inama basabwa kujya batangira amakuru ku gihe

Gitifu Bizumuremyi yakomeje avuga ko nyuma y’urupfu rwa Maniriho Christian abaturage bo mu murenge wa Mugesera batumijwe mu nama bahanahana amakuru, muribo habonekamo abavuga ko nyakwigendera yajyaga avuga ko atabanye neza n’abo bakoranaga ku kigo nderabuzima cya Nyange.

Ati “Hari abatanze amakuru, y’uko mu bo bakoranaga batari babanye neza; ayo twayamenyeye aho ariko urumva ko arafasha mu iperereza kuko uyuwakoze ubu bwicanyi ntaramenyekana. Inzego z’iperereza ziracyegerenya ibimenyetso.”

Inzego z’ubuyobozi n’umutekano zahise zigirana inama n’abaturage bo mu midugudu 10 igize akagari ka Nyange byabereyemo, n’abo mu midigudu 4 yo mu kagari k’Agatare byegeranye, basabwa kudakuka umutima no kujya bihutira gutanga amakuru, hakumirwa ikintu cyose gishobora guhungabanya umutekano.

Kugeza ubu inzego zishinzwe umutekano zikomeje kwegerenya ibimenyetso no gushakisha ababa bihishe inyuma y’ubu bwicanyi. Maniriho asize umugore umwe, bari bamaze amazi 4 bashyingiranywe.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.