2017-11-23 07:27:17 clouds 27o High | Kigali Rwanda

Dukurikire:
 
 

Mushikiwabo yashimangiye ubutwari bwa Gisimba wareze imfubyi 400

Yanditswe na IMVAHO NSHYA

Kuya 2016-11-20 13:27:37

 
Share on:
 
Yasuwe:4
 
Yavuzweho:200
 
10
 
10

Minisitiri w’Ububanyi n’amahanga akaba n’Umuvugizi wa Leta y’u Rwanda yashimangiye ubutwari bwa Mutezintare Gisimba Damas w’imyaka 55 y’amavuko wabaye se w’imfubyi zisaga 400 zirimo n’iza Jenoside yakorewe Abatutsi.

Minisitiri Mushikiwabo yagarutse ku butwari bwa Gisimba mu kiganiro yagiranye n’impuguke Umwongereza akaba n’Umwarimu wigisha ibijyanye n’amateka ya Jenoside no kuyirwanya Jonathan Salt.

Jonathan Salt, ni Umuyobozi akaba n’Umwarimu muri Managing Director of Ojemba Education akaba n’umwe muri 38 barimo impuguke mu by’amateka ya Jenoside, abarimu, abashakashatsi n’Abanyamakuru bandikiye Umuyobozi wa BBC bamusaba gusaba imbabazi nyuma filimi mbarankuru (The Rwanda’s Untold Strory) mu mwaka wa 2014 yagaragayemo guhakana no gupfobya Jenoside yakorewe Abatutsi.

Iyi mpuguke yabwiye Minisitiri Mushikiwabo ko ubuzima bwa Gisimba ari amateka agomba kubwirwa Isi akagera ku bantu benshi, bityo akaba agiye kuyandikamo igitabo cyerekana ubutwari yagize bugira abantu bake.

Minisitiri yagaragaje ko amushyigikiye ati “Ni byo! Damas Gisimba ni umugabo udasanzwe, yakijije ubuzima bw’abana benshi b’u Rwanda mu gihe cya Jenoside yakorewe Abatutsi. Nzashimishwa cyane no kubona byanditswe!”

JPEG - 89.3 kb
Gisimba Damas ari kumwe na bamwe mu bana yareraga

Gisimba Damas aterwa ishema n’umurage akomora kuri sekuru wo kurera imfubyi watumye kuri ubu yitwa umubyeyi w’amagana y’abana b’u Rwanda barerewe mu kigo cyageze ubwo kimwitirirwa giherereye mu Murenge wa Nyakabanda, Akarere ka Nyarugenge.

Mu kiganiro kirambuye yagiranye na Imvaho Nshya, yashimangiye imbogamizi zitoroshye yahuye nazo mu gihe cya Jenoside kuko iki kigo cyashinzwe mu mwaka 1980 cyari kimaze kugira abana basaga 300, bakomeza biyongera, ariko bamwe bakajya bagenda babona imiryango abatayifite bakaba ari bo bagumamo.

Byinshi kuri Gisimba wakanda hano

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE