2017-05-26 05:18:19 clouds 27o High | Kigali Rwanda

Dukurikire:
 
 

Musenyeri Dominique Ngirabanyiginya yitabye Imana

Yanditswe na IMVAHO NSHYA

Kuya 2016-09-07 06:11:08

 
Share on:
 
Yasuwe:18
 
Yavuzweho:200
 
10
 
10

Mgr Dominique Ngirabanyiginya wari umusenyeri w’icyubahiro muri diyosezi ya Nyundo yaraye yitabye Imana mu ijoro rishyira kuri uyu wa 7 Nzeli 2016.

Uyu mukambwe wari ufite imyaka 79 azwiho kuba yarareze abantu benshi bakomeye, barimo abapadiri, abasenyeri n’abayobozi... Azwi kandi nk’umuhanga usigiye Kiliziya Gatolika y’u Rwanda indirimbo nyinshi zihimbaza Imana.

Yavukiye muri paruwasi ya Kabgayi mu 1937, atangira iseminari nto mu 1952, ahabwa ubupadiri mu 1964.

Yabaye umurezi mu iseminari amara imyaka myinshi mu iseminari yitiriwe Mutagatifu Piyo wa X yo ku Nyundo.

Abamuzi bose bahuriza ku kuba yarakundaga umuziki dore ko no mu za bukuru ari ryo somo yigishaga akarifatanya n’Ikilatini. Mu Iseminari ya Nyundo ahasize imwe muri kompanyi zicuranga Fanfari zamamaye mu gihugu.

Mu myaka isaga icumi ishize yari yarafashwe n’uburwayi akenshi akajya kubwivuriza no mu mahanga.

Mu 2014 ubwo Mgr Ngirabanyiginya yizihizaga Yubile y’imyaka 75 amaze avutse anabatijwe, Musenyeri Vincent Harolimana wa diyosezi ya Ruhengeli uri mu banyeshuri be ndetse bakaba barabanye igihe kitari gito ubwo yari ayoboye iseminari ya Nyundo yavuze ko azamwigiraho bwinshi.

Ati "Mgr Dominiko yabaye indorerwamo dukwiye kwireberamo nk’abasaseridoti. Yadutoje kmenya gukora icyo ugomba gukora, ukagikorera ku gihe n’aho ugomba kugikorera. Yakomeje avuga ko Mgr Dominiko n’ubwo akuze ariko adasigara inyuma mu iterambere, asoza yerekana ko diyosezi ya Nyundo ifite amahirwe yo kuba ifite Myr Dominiko nk’umupadiri w’inararibonye kandi w’indahemuka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE