2017-08-17 13:46:28 clouds 27o High | Kigali Rwanda

Dukurikire:
 
 

Musanze: Imvura itunguranye yiganjemo umuyaga yasenye amashuri

Yanditswe na IMVAHO NSHYA

Kuya 2016-07-08 06:10:50

 
Share on:
 
Yasuwe:4
 
Yavuzweho:200
 
10
 
10

Ku mugoroba wo ku wa kane tariki ya 7 Nyakanga 2016 ahagana saa kumi n’ebyiri n’igice, imvura itunguranye yiganjemo umuyaga yasenye ibyumba by’amashuri bitatu byo ku rwunge rw’amashuri ya Kigombe (GSK) riherereye mu mudugudu wa Kungo, Akagali ka Kabeza, Umurenge wa Cyuve mu karere Ka Musanze.

Abanyeshuri bavuganye na Imvaho Nshya batangaje ko iyi mvura yasenye ibyumba by’amashurinta munyeshuri uhegereye kuko bari mu nyubako bafatiramo amafunguro. Gusa ngo ni amahirwe bagize kuko kuri icyo kigo hari n’urukuta rw’icyumba cyigiramo inshuke cyaguye hasi.

Ubuyobozi bw’iki kigo burabogoza kuko ngo ibyumba by’amashuri byasenyutse bitari no mu bwishingizi.

Na none mu mudugudu wa Nganzo, Akagari ka Rwebeya muri uwo murenge wa Cyuve, hasenyutse inzu y’uwitwa Safari igisenge cyose n’amabati biraguruka.

Safari yagize ati “Imvura yatangiye kugwa twumva umuyaga urahushye cyane tugiye kubona tubona igisenge kiragiye twahise rero dusohoka; hangirikiyemo byinshi urabona nibwo twari tumaze gusarura udushyimbo twabaye amazi n’ibyondo ibikoresho byo mu nzu.”

Uretse iyo nzu ya Safari hamaze kubarurwa n’izindi 16 z’abaturage zasenywe n’iyo mvura. Hari kandi n’imirima y’amasaka yari agiye kwera iyi mvura yararitse hasi.

Mwumvaneza Jean Baptiste Umukozi ushinzwe iterambere mu kagari ka Kabeza yavuze ko ubu icyo bagiye gukora ni ubuvugizi ku bantu batishoboye binyuze mu gukora umuganda udasanzwe nyuma yo kumenya nezumubare n’agaciro k’ibyangiritse.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE