Advertisement
 
 
 
 
 
 
 
 

Amakuru | Mu Rwanda

Musanze: Igiciro cy’urugendo Kigali-Musanze cyikubye 2   

  Yanditswe na NGABOYABAHIZI PROTAIS
 May 2016

 
 

Iyangirika ry’umuhanda Musanze-Kigali kubera inkangu zatewe n’imvura yaguye mu rukerera rwo ku cyumweru ryatumye igiciro cya serivisi zo gutwara abantu n’ibintu muri uyu muhanda cyikuba inshuro ebyiri.

Bivugwa ko ingendo zari zisanzwe zishyurwa 1750 ubu zageze ku bihumbi 3500.

Abagenzi n’abatanga izi serivisi bahuriza ku kuba bagizweho ingaruka zinyuranye n’izi mpinduka zabatunguye, aho abagenzi bavuga ko imirimo yabo yadindiye, naho abatwara abagenzi bo bakagaragaza impungenge z’uko imodoka zabo zishobora kwangirikira mu mihanda zirimo gukoresha ubu.

Inkangu zafunze umuhanda Musanze-Kigali mu misozi ya Buranga mu rukerera rwo ku munsi w’ejo hashize, zari zikiri imbogamizi kubakoresha uyu muhanda kugera mu masaha ya mbere ya saa sita kuri uyu wa mbere.

Abagenzi bari bakeneye gukoresha uyu muhanda muri Gare ya Musanze muri iki gitondo, barimo Nzarikizwaniki wagize ati “Iki kibazo cyatugizeho ingaruka nyinshi kirimo kuba tutabatabashije kubona uburyo bwo kwitabira imirimo yacu ya buri munsi, ndetse n’ibiciro by’urugendo Musanze Kigali rwikubye inshuro 2 mu buryo butunguranye. Kuko ubu kugera i Kigali turi gusabwa amafaranga 3500; urumva rero ko bitatworoheye.”

Impamvu yo kwikuba 2 kw’igiciro cy’urugendo Musanze-Kigali, ni intera yiyongereye ugereranyije n’iyari isanzwe, dore ko inzira irimo gukoreshwa n’imodoka zitwara abagenzi kugeza ubu, ari izenguruka mu karere ka Burera, Gahunga-Ntaruka-Kirambo-Base. Usibye impungenge z’imiterere y’umuhanda zakwangiza imodoka zabo, umwe mu bahagarariye sosiyete zitwara abagenzi muri uyu muhanda, avuga n’igiciro kitari shyashya, aho ngo kubera kuzunguruka mu karere ka Burera berekeza bava i Kigali bashyizuza amafaranga 3500, kandi ngo biri kubangiriza imodoka kubera imihanda mibi.

Umuyobozi w’Akarere ka Musanze Musabyimana Jean Claude yavuze ko zimwe mu ngamba zabaye zifashwe kugirango ingendo zikomeze kandi, harimo guhagarika urujya n’uruza rw’imodoka ziremereye cyane, abadafite gahunda zihutirwa cyane nabo bakaba bagirwa inama yo kuba basubitse ingendo zabo, mugihe inzego bireba zikigerageza gukora ibishoboka byose ngo ibintu bisubire mu buryo.

Kugeza ubu umuhanda Musanze-Gahunga-Ntaruka-Kirambo-Base, ni wo rukumbi ukora nyuma y’aho undi wa Musanze-Mukamira-Ngororero-Muhanga-Kigali nawo wari wafunzwe n’amasuri no kurengerwa.

 

Comments

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.