Advertisement
 
 
 
 
 
 
 
 

Amakuru | Mu Rwanda

Musanze: Baheze mu kirombe bamaze imyaka 8 bacukura rwihishwa   

  Yanditswe na NGABOYABAHIZI PROTAIS
 August 2016

 
 

Abakozi 3 n’umukoresha wabo baheze mu kirombe bamazemo imyaka 8 giherereye mu murenge wa Musanze, Akagari ka Cyabagarura, Umudugudu wa Rugeyo, mu gihe bacukuraga amabuye y’agaciro mu buryo butemewe n’amategeko ku gicamunsi cyo ku wa gatandatu tariki ya 13 Kanama 2016.

Abaturage bo mu kagari ka Cyabagarura bavuga ubucukuzi bw’aya mabuye bwatangiye mu mwaka wa 2008, kandi ngo aho bamaze gucukura hafite metero 10 z’ubujyakuzimu n’uburebure bemeza ko bagenda amasaha abiri.

Ndayisaba Jean Marie Vianney umwe mu bategereje ko yabona imirambo ya bene se babiri yagize ati “Nta cyizere mfite kuko iyo binjiyemo bajyana amakara na lisansi byo gutwika urutare kugira ngo rworohe babone uko barumena, ubu rero ni imyotsi gusa, twamenye ko bagize ikibazo ari uko bataje gufata ifunguro rya sasita tugiye kubareba natwe imyotsi iratuzitira.”

Ubuyobozi bwihanganishije ababuriye ababo muri iki kirombe

Akomeza avuga ko bibabaje kubona umuturage yubaka umusarane bugacya ubuyobozi bwabimenye ariko ntibube nibura bwarahagaritse ubu bucukuzi.

Ati “Mu by’ukuri sinakubwira ngo nzi amoko y’amabuye bacukuramo, ariko nanone ubuyobozi bwagizemo uburangare bwo kutita kuri iki kirombe.”

Musabyimana Celestin yongeyeho ati “Hari umugabo w’umukire yaraje atubwira ko harimo agasanduku kuzuye imari, kasizwemo n’ababiligi akaba ariko akurikiye mo. Aha rero umukozi yamuhembaga ibihunbi 15, ariko nanone twatangazwaga no kubona iyo twabaga tumaze kumena urutare yadusohoraga agasigaramo. Twarumiwe umuntu ucukura imyaka irenga 8, avuga ko ntacyo arabonamo kandi agahemba abakozi.”

Umuyobozi w’Akarere wungirije ushinzwe imibereho myiza y’abaturage Uwamariya Marie Claire yagize ati “Turihanganisha imiryango yaburiye ababo muri iki kirombe, gusa kugeza ubu kubakuramo ni ibintu bitatworoheye nk’abaturage, ubu dutegereje ko Polisi n’izindi nzego zishinzwe umutekano ko zakoresha ikoranabuhanga mu gukurayo bariya bantu kuko aho bari ni kure kandi n’imyotsi urumva abantu bajyayo amakara na lisansi nk’uko abaturage babivuga.”

Uwamariya yemeje ko aba bacukuraga mu buryo butemewe ndetse bakaba bitwikiraga ijoro bajinjira mu kirombe, aho bigoranye kubatahura.

Ababuriwe muri iki kirombe ni Kamanzi Sixbert wo muri Muhanga, bivugwa ko ari we mukoresha, umuturage bita Kazungu, Kariyope n’undi waturutse mu karere ka Muhanga utaramenyekana izina.

Kugeza ubu imirambo iracyategerejwe, ubuyobozi bwasabye abaturage kuba basubiye mu ngo zabo mu gihe hagitegerejwe icyo Polisi yakora.

Iki kirombe ngo kimaze imyaka 8 gicukurwa nta byangombwa by'ubuyobozi abagicukura bafite

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.