Advertisement
 
 
 
 
 
 
 
 

Amakuru | Mu Rwanda

Murekezi yasabye abahanura ibinyoma kwihana   

  Yanditswe na MAGARAMBE THEODORE na IYAMUREMYE YVES
 May 2016

 
 

Minisitiri w’Intebe Murekezi Anastase yasabye abanyamadini bamamaza ibihuha n’ubuhanuzi bw’ibinyoma ko bakwihana. Yabivugiye mu muhango wo kwimika Musenyeri mushya wa Diyosezi Gaturika ya Nyundo, Mwumvaneza Anaclet.

Umuhango wo kwimika Musenyeri mushya wa Diyosezi Gatolika ya Nyundo wabaye ejo hashize ku wa gatandatu tariki ya 21 Gicurasi 2016. Muri uyu muhango, Musenyeri Mwumvaneza Anaclet yasimbuye Alexis Habiyambere.

Uyu muhango witabiriwe na Minisitiri w’Intebe Murekezi Anastase wasabye Abanyarwanda, abanyamadini n’amatorero guhora babyaza umusaruro amahirwe bahabwa n’ubuvandimwe, kuko ubuvandimwe babutozwa na gahunda ya “Ndi Umunyarwanda” ifasha komora ibikomere Abanyarwanda batewe n’ibihe bibi igihugu cyanyuzemo.

JPEG - 122.9 kb
Minisitiri w’Intebe Anastase Murekezi (iburyo) asuhuza Musenyeri Mwumvaneza Anaclet. Inyuma ye hari Minisitiri Francis Kaboneka

Minisitiri w’Intebe akaba yaraboneyeho kwamagana abanyamadini bitwaza amadini yabo bakayifashisha mu kwamamaza ibihuha n’ubuhanuzi bw’ibinyoma, maze abasaba kwihana.

Ati “Dukwiye kubana n’Imana duharanira kubana neza nk’abanyagihugu, dukunda igihugu n’abagituye.”

Murekezi akaba yarasabye abanyamaini n’amatorero kurwanya abafite ibitecyerezo bibi birimo gusenya, kwiba, amacakubiri, bakayoboka inzira y’Imana n’inzira y’iterambere ry’u Rwanda. Yavuze ko iyo nzira nziza izirana n’amakimbirane.

Minisitiri w’Intebe yavuze ko ibibazo byose bikwiye gukemuka, dore ko ahanini biterwa n’imiryango itakigendera ku ndangagaciro na kirazira y’umuco nyarwada. Yavuze ko Abanyarwanda bose nibakundana bizatuma igihugu kirushaho gutera imbere.

Murekezi akaba yaravuze ko leta izashyigikira imibereho myiza ya Diyosezi ya Nyundo kuko ihuye na gahunda ya leta yo guteza imbere Abanyarwanda.

Yashimiye Musenyeri Habiyambere uruhare yagize mu guteza imbere Abakirisitu n’abaturage muri rusange. Yasabye Musenyeri mushya Mwumvaneza Anaclet kugira uruhare mu guhanangana n’ibibazo byose biri muri Diyoseze ye.

Yanamusabye gukomeza amateka iyi diyoseze yasigiwe na Musenyeri Aloyizi Bigirumwami washize Diyosezi Gaturiaka ya Nyundo, akanaba musenyeri wa mbere w’u Rwanda w’Umwirabura. Yamusabye kugendera ku nama nziza azakomeza kugirwa na Musenyeri ucyuye igihe.

Yongeyeho ko Guverinoma y’u Rwanda ishima uburyo higishwa ijambo ry’Imana, ikanashima Kirizaya Gaturika ubufatanye mu burezi, ubuvuzi, imibereho myiza y’abaturage, ubumwe n’ubwiyunge. Ati “Turifuza gukomeza gukorana neza, duharanira kwihutisha iterambere ry’Abanyarwanda muri rusange.”

Musenyeri Habiyambere Alexis ucyuye igihe yari amaze imyaka 19 ayobora Diyosezi Gatolika ya Nyundo, akaba agiye mu kiruhuko cy’izabukuru. Yashimye abakirisitu n’abaturage bahinduye imyumvire bakamufasha kugera ku byo yari yari yariyemeje.

Naho Musenyeri Mwumvaneza Anaclet yashimiye Perezida Paul Kagame uburyo ashyigikiye Kiriziya Gaturika n’Abanyarwada muri rusamge mu iterambere ryabo. Yijeje gukomeza umurongo abamubanjirije batangiye wo guteza imbere iyi diyoseze.

Kugeza ubu Diyosezi Gatolika ya Nyundo ifite abapadiri bakababaka 100, n’abadiyakoni n’abapadiri icyenda bazabuhabwa uyu mwaka. Iyi diyosezi ifite amaparuwasi 24. Musenyeri mushya wimitswe, Mwumvaneza Anaclet, ni uwa gatanu mu bayoboye iyi Diyosezi imaze imyaka 64 ishinzwe.

 

Comments

 
 
Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.