Advertisement
 
 
 
 
 
 
 
 

Amakuru | Mu Rwanda

Muhanga: Imfungwa zirishimira ko imiyoborere myiza yageze muri gereza   

  Yanditswe na MUHIZI ELISEE
 5 months ago

 
 

Imfungwa n’abagororwa bo muri Gereza ya Muhanga iherereye mu karere ka Muganga bagaragaje ko bishimiye uburyo igihugu kiyobowe kuko imiyoborere myiza itagarukiye ku bari hanze ahubwo igaragarira no muri gereza.

Imfunga n’abagororwa bagaragaje imbamutima zabo ubwo basurwaga na Komiseri Mukuru Wungirije w’Urwego rw’igihugu rushinzwe imfungwa n’abagororwa (RCS) Ujeneza Jeanne Chantal muri iki cyumweru.

Ruzigana Emmanuel ukuriye abagororwa wavuze mu izina rya bagenzi be, yahamije ko imiyoborere myiza irangajwe imbere na Paul Kagame yageze no mu magereza ahereye ku buryo uko imiyoborere yubatswe hanze ari na ko yubatswe muri gereza.

JPEG - 426.8 kb
Ruzigana Emmanuel na bagenzi be bagenera impano Komiseri

Yavuze ko bafite komite nyobozi guhera ku rwego rw’umudugudu, Akagari, n’umurenge ku buryo usanga ibibazo bafite bigera ku buyobozi byihuse kandi bikanakemuka vuba.

Yakomeje avuga ko imiyoborere myiza ari na yo ibafasha kwitekerezaho ari na yo mpamvu muri iyi gereza harimo abakoze Jenoside yakorewe Abatutsi bemeye ibyaha banabisabira imbabazi barimo kwandika igitabo ku mateka ya Jenoside nk’abantu bayazi neza, bibanda cyane ku ruhare rwa bamwe mu Banyarwanda bayishinjwa.

Yagize ati “Igitabo kivuga ku mateka ya Jenoside turi kwandika kiri hafi gusohoka turi kwandika ku bayikoze n’abayipfobya.”

Umuyobozi wa Gereza ya Muhanga Rudakubana Christophe, avuga ko ibibazo bakunze kwakira ibvuye mu mfungwa ari ibijyanye n’amadosiye atuzuye, ndetse ngo babahuza n’inzego z’ibanze z’aho bavuka bigakemuka vuba.

Komiseri Ujeneza Jeanne Chantal, yashimiye uburyo imfungwa zigira uruhare mu kwikemurira ibibazo anagaragaza ko kimwe mu bibazo yashyikirijwe kigiye gukurikiranwa ari icy’abana bafunganywe n’ababyeyi babo.

Komiseri kandi yashyikirijwe ikibazo cya telefoni rusange abagororwa basaba gutunga, ikazajya ibafasha kuvugana n’imiryango yabo iri hanze ndetse, no kuvuza bamwe muri bo bakomerekera mu mirimo itandukanye ya Gereza.

 

Comments

 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.