Advertisement
 
 
 
 
 
 
 
 

Amakuru | Mu Rwanda

Mu mezi abiri Gereza ya 1930 izimurirwa i Mageragere   

  Yanditswe na MUGISHA BENIGNE
 August 2016

 
 

Urwego rw’igihugu rushinzwe imfungwa n’abagororwa (RCS) ruratangaza ko mu mezi abiri ari imbere, abagororwa bafungiye muri Gereza ya Nyarugenge na Gasabo bazimurirwa muri gereza nshya ya Mageragere.

Ubwo Umuyobozi wa RCS, CGP George Rwigamba na Minisitiri w’umutekano mu gihugu Musa Fazil Harerimana basuraga gereza nshya irimo kubakwa mu Murenge wa Mageragere, Rwigamba yavuze ko imirimo yo kuyubaka igeze kure.

Yagize ati “Biragaragara ko aho imirimo yo kubaka gereza igeze hashimishije, turateganya kwimura Gereza ya Nyarugenge n’iya Gasabo mu mezi abiri ari imbere.”

JPEG - 599.5 kb
Minisitiri w’umutekano Musa Fazil Harerimana yerekwa aho gereza ya Mageragera igeze yubakwa

Iyi gereza imaze igihe yubakwa, ije gukemura ikibazo cy’ubucucike bwavugwaga muri izi gereza uko ari ebyiri, nk’uko byakunze gutangazwa n’abayobozi ba RCS mu gihe cyashize, inategerejweho gufasha abazayicumbikirwamo kwisanzura kuko ari ngari.

Umwe mu bagororwa barimo kuyabaka yavuze ko nibamara kuyimurirwamo bazaba bisanzuye kuko ari hagari ndetse bakaba banabasha kuhakorera ka siporo mu gihe ubuyobozi bwa gereza buzaba bubibemereye.

Ati “Urebye ubunini bw’ahubatse iyi gereza, abazayimurirwamo tuzaba twisanzuye ndetse tunashobora kuhakorera ka siporo. Ni nini, ni ngari kandi yubatse neza rwose

JPEG - 599.5 kb
Minisitiri w’umutekano Musa Fazil Harerimana yerekwa aho gereza ya Mageragera igeze yubakwa

mu buryo bugezweho.”

Gereza ya Mageragere yatangiye kubakwa mu mwaka wa 2014, nyuma y’imirimo yo kwimura abaturage bari bahafite amasambu.

Abaturiye iyi gereza baganiriye n’Imvaho Nshya bavuga ko bishimiye ko gereza ibegera, kuko ari muri kimwe mu bikorwa by’amajyambere bizatuma n’ibindi birushaho kubegerezwa.

Mukamunana Dancilla ati “Twishimiye guturana na gereza kuko tuzi neza ko abayirimo ari abantu nka twe kandi kikaba n’igikorwa cy’amajyambere kizazana ibindi nk’imihanda, amazi meza, amashanyarazi n’ibindi.”

Banayitezeho kubona bimwe mu bihingwa birimo imboga kuko basanzwe ngo bazi ko abagororwa bakunda gukora ubuhinzi.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.