Advertisement
 
 
 
 
 
 
 
 

Amakuru | Mu Rwanda

Mu mezi 2, u Rwanda rwohererejwe 4 bashinjwa ibyaha bya Jenoside   

  Yanditswe na NTAWITONDA JEAN CLAUDE
 2 months ago

 
 

U Rwanda rumaze kohererezwa Abanyarwanda bane bakurikiranyweho ibyaha bya Jenoside yakorewe Abatutsi mu gihe kitageze ku mezi abiri guhera mu mpera za Nzeri uyu mwaka.

Bimwe mu bihugu birashimirwa icyizere bikomeje kugirira ubutabera bw’u Rwanda mu gihe kuri uyu wa Kane tariki 17 Ugushyingo Canada yohereje Seyoboka Henri Jean Claude ukurikiranyweho ibyaha bya Jenoside ubwo yari umusirikare afite ipeti rya Lieutenant.

Seyoboka aje akurikira Dr Leopold Munyakazi woherejwe na Leta Zunze Ubumwe za Amerika (USA) ku wa 28 Nzeri 2016, Mugimba Jean Baptiste na Iyamuremyue Jean Claude boherejwe n’Ubutabera bw’u Buholandi tariki ya 12 Ugushyingo.

JPEG - 125.2 kb
Seyoboka Henri Jean Claude woherejwe kuri uyu wa Kane

Uko ari bane basanze abandi boherejwe kuburanira mu Rwanda barimo Munyagishari Bernard, Uwinkindi Jean na Ntaganzwa Ladislas boherejwe n’Urukiko Mpanabyaha Mpuzamahanga rwashyiriweho u Rwanda (ICTR), Mugesera Léon woherejwe na Canada, Bandora Charles woherejwe na Norvège, na Mbarushimana Emmanuel woherejwe na Danemark

Biteganyijwe ko Danemark iri mu nzira zo kohereza Sylvere Ahorugeze nyuma yo kubisabwa n’ Urukiko rw’Uburenganzira bwa muntu rw’Ibihugu by’i Burayi.

Komisiyo y’Igihugu yo kurwanya Jenoside (CNLG), yashimye intambwe bimwe mu bihugu bigicumbikiye abakekwaho Jenoside byateye mu guha agaciro inzego z’ubutabera bw’u Rwanda, ikanenga bimwe bigitsimbaraye ku kubakingira ikibababa.

JPEG - 242.5 kb
Mugimba Jean Baptiste na Iyamuremyue Jean Claude bagejejwe i Kigali

Leta y’u Rwanda yahamije ko itazacika intege mu guharanira ko ubutabera bukorwa ku bagize uruhare muri Jenoside yakorewe Abatutsi barimo n’abanyepolitiki b’Abafaransa.

Mu kiganiro Minisitiri w’Ububanyi n’Amahanga akaba n’umuvugizi wa Leta, Louise Mushikiwabo aherutse kugirana n’itangazamakuru, yashimangiye ko u Rwanda ruzakomeza kugaragaza ukuri, ‘amakuru yose yerekana uruhare rw’abayobozi b’Abafaransa, abasirikare, abanyepolitiki, ba maneko, n’abandi bagize uruhare muri Jenoside agashyirwa ahagaragara.’

Yakomeje agaragaza ko iki gihugu kiri mu bigicumbikiye abakurikiranywe benshi, ndetse n’ubutabera gitanga ku bo cyatangiye kuburanisha bwahindutse politiki, ati “Umubare munini w’abasabwa n’ubutabera bw’u Rwanda wahawe icyicaro mu Bufaransa, kandi nta rubanza na rumwe rwabereye muri iki gihugu rwigeze ruburanishwa ngo rurangizwe.”

Guverinoma y’u Rwanda yizeye ko igihe kizagera ubutabera bukaboneka, ku bahunze u Rwanda baba barahinduye amazina cyangwa bagikingiwe ikibaba.

JPEG - 272.5 kb
Dr. Leon Munyakazi
 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.