Advertisement
 
 
 
 
 
 
 
 

Amakuru | Mu Rwanda

Mu kwezi kumwe Abanyarwanda baratangira guhabwa indangamuntu zikomatanyije   

  Yanditswe na IMVAHO NSHYA
 May 2016

 
 

Ikigo cy’Igihugu Gishinzwe Irangamuntu, NIDA, cyatangaje ko Rwanda ruzatangira umushinga wo gutanga indangamuntu zikomatanyije, (Smart IDs) muri Nyakanga 2016.

Izo ndangamuntu zizaba zikubiyemo uruhushya rwo gutwara ibinyabiziga, ikarita y’ubwisungane mu kwivuza cyangwa iy’ubwishingizi (RSSB), nimero y’abasora y’Ikigo cy’Igihugu cy’Imisororo n’Amahoro (TIN) n’ibindi byangombwa.

Umushinga wo gutanga indangamuntu zikomatanyije watangajwe muri Kanama 2014, uza kugenda usubikwa bitewe n’impamvu zitandukanye zirimo ivugurura mu bakozi ba Leta.

Mu gihe izisanzwe zigurwa amafaranga 500, izikomatanyije zo zizajya zigurwa 15 000. NIDA ivuga ko gutunga izo ndangamuntu bitazajya bibuza ba nyirazo gutunga ibindi byangombwa bikubiyemo.

Iki kigo kinasobanura ko abazifite bazajya basabwa kwitwaza pasiporo isanzwe mu gihe bagiye mu mahanga kubera ko nta masezerano u Rwanda ruremeranya n’ikindi gihugu ajyanye n’uyu mushinga.

Mu nama igamije kwiga ku ndangamuntu zikoranye ikoranabuhanga muri Afurika iri kubera i Kigali (ID4Africa), umuyobozi wa NIDA, Nyamulinda Pascal, yavuze ko iyo ndangamuntu izaba ikozwe mu ikoranabuhanga rya ‘java’, ifite umutima w’ubushobozi bwa kilobytes 64.

JPEG - 165.4 kb
Urugero rw’indangamuntu ikomatanyije

Nyamulinda yasobanuye ko umushinga w’indangamuntu zikomatanyije uri muri gahunda Leta yihaye yo guha abanyagihugu irengamimerere rijyanye n’igihe.

Minisitiri w’Ubutegetsi bw’igihugu Kaboneka Francis, yavuze ko ikoreshwa ry’indangamuntu zijyanye n’igihe rizoroshya itangwa rya serivisi zitandukanye zirimo iz’ubuvuzi.

Kaboneka yasobanuye ko u Rwanda rwakoze byinshi muri serivisi z’irangamuntu birimo no kugabanya igiciro cyazo ku mafaranga 500 ku buryo ari cyo gito kurusha ahandi muri Afurika.

Inama ya ID4 Africa, ejo hashize yibanze ku kamaro k’irangamuntu mu iterambere ndetse n’imbogamizi zibangamira itangwa ryazo.

JPEG - 58.8 kb
Umuyobozi w’Ikigo cy’Igihugu gishinzwe Irangamuntu mu nama ya ID4 Africa

Iyo nama kandi iriga ku buryo ibihugu bya Afurika byahuza gahunda z’itangwa ry’indangamuntu, kwirinda abakoresha iz’impimbano no kurinda amakuru y’abenegihugu ari mu bubiko bw’ikoranabuhanga.

 

Comments

  • foward May 2016

    Nti byaribikwiye ko Leta yacu ishyira ubushobozi buhanitse mu ikoranabuhanga ritwara aka kayabo, itaracyemura ikibazo cy’inzara yugarije rubanda hirya no hino. Ikindi gitekerezo nuko bareka igafatwa n’ufite ubushobozi, ku bakene ntibibe itegeko.


Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.