2017-11-23 18:23:19 clouds 27o High | Kigali Rwanda

Dukurikire:
 
 

Minisitiri w’Intebe yasabye ibihugu bya Afurika gukemura ibibazo biri muri serivisi za leta

Yanditswe na IMVAHO NSHYA

Kuya 2017-06-21 10:28:56

 
Share on:
 
Yasuwe:193
 
Yavuzweho:200
 
10
 
10

Minisitiri w’Intebe, Anastase Murekezi, yasabye ibihugu bya Afurika gukemura imbogamizi zikigaragara muri serivisi za Leta, kandi bigaha urubyiruko umwanya ukomeye mu iterambere.

Murekezi yabivuze atangiza umunsi mpuzamahanga wahariwe serivisi za leta, wabereye i Kigali ku rwego rw’umugabane wa Afurika kuri uyu wa 21 Kamena 2017, ufite insanganyamasiko igira iti “ Gushyira imbere umuco wo gutanga serivisi zinogeye abaturage : Dufatanye n’urubyiruko mu guhindura Afurika.”

Yavuze ko abatuye umugabane wa Afurika bakeneye ubuyobozi butanga serivisi nziza mu nyungu z’abaturage.

Ati “ Abanyafurika bakeneye guhabwa serivisi nziza. Ni uburenganzira bwabo ntabwo ari impano. Abanyafurika bose kandi bagomba kugira uruhare mu iterambere ry’imibereho, ubukungu na politiki.”

Minisitiri w’Intebe yagarutse ku bibazo bikiranga imitangire ya serivisi muri Afurika birimo kubura ubunyamwuga, imyitwarire idahwitse n’imicungire y’umutungo w’igihugu itaboneye.

Yagize ati “ Mu kunoza imitangire ya serivisi, ibihugu bya Afurika bikwiye gukemura imbogamizi zijyanye n’ubunyamwuga, imyitwarire no gucunga nabi umutungo wa rubanda.”

U Rwanda rurakataje mu kugeza ku baturage serivisi nziza

Minisitiri Murekezi yasobanuye ko u Rwanda rugeze kure rufasha abaturage barwo kubona serivisi inoze nubwo hari ibikinonosorwa.

Yavuze ko guverinoma yinjije ikoranabuhanga mu gutanga serivisi, ikazamura ubunyamwuga none ubu bikaba byaratanze umusaruro ugaragara.

Ati “Mu Rwanda serivisi nyinshi zitangirwa kuri interineti, nko kwandikisha ubucuruzi, ubutaka, kwandikisha uruhinja, kumenyekanisha imisoro, gusaba uruhushya rwo gutwara ibinyabiziga, viza, gutanga akazi n’ibindi.”

Yongeyeho ko ibihugu bya Afurika bikwiye guha urubyiruko umwanya ukomeye mu iterambere, dore ko rugize 60% y’abatuye uyu mugabane bose.

Ati “Kudafatanya n’uyu mubare mwinshi w’abaturage ni ikosa rikomeye. Za guverinoma zikwiye gufasha urubyiruko rugahabwa ubumenyi bujyanye n’isoko ry’umurimo.”

Yasabye ko inzego z’uburezi za Afurika zikwiye kuvugururwa, kugira ngo urubyiruko rufashe umugabane kugera ku ntego za gahunda y’umwaka wa 2063.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE