Advertisement
 
 
 
 
 
 
 
 

Amakuru | Mu Rwanda

Minisitiri Gen. Kabarebe abona Ubunyarwanda nk’intwaro ikomeye   

  Yanditswe na IYAREMYE YVES
 May 2016

 
 

Minisitiri w’Ingabo Gen. James Kabarebe yagaragaje ko Ubunyarwanda ari intwaro iruta izindi, abasa abanyarwanda kuyitwaza iteka kuko ari yo itazigera itsindwa mu gukomeza kubaka u Rwanda.

Gen. Kabarebe yerekanye imbaraga z’ubumwe n’ubwiyunge bw’Abanyarwanda kuri iki cyumweru ubwo yifatanyaga n’abaturage bo mu karere ka Rubavu mu cyahoze ari komine ya Rwerere na Mutura.

Yavuze ko ubumwe n’ubwiyunge ari yo nzira yonyine Abanyarwanda bafite izabageza ku iterambere rirambye, abasaba gukomeza gutahiriza umugozi umwe birinda ingengabitekerezo ya Jenoside kuko nta cyiza kiyibamo.

Yanihanganishije abarokotse Jenoside yakorewe Abatutsi, agaya n’abijanditse mu kwica inzirakarekane.

JPEG - 106.8 kb
Gen. Kabarebe yasabye abaturage gukomeza kurangwa n’Ubunyarwanda nk’intwaro ihamye iganisha ku iterambere

Yagize ati ”Intwaro dufite ni uko twimirije imbere Ubunyarwanda, turabasaba kurushaho kurangwa n’ubumwe n’ubwiyunge aho muri hose ni cyo kizatuma tugera kucyo twifuje kugeraho. Icya mbere mukwiye kwirinda ni ingangabitekerezo ya Jenoside aho iva ikagera kandi birashoboka. Mukomeze muyirwanye mwirinda ko hari uwababwira amagambo cyangwa agakora ibikorwa bigamije amacakubiri.”

Umuhango wo Kwibuka Abatutsi bishwe mu gihe cya Jenoside mu cyahoze ari komini ya Mutura na Rwerere wabereye ahashyinguwe imibiri 8895 mu rwibutso rwa Jenoside ruri mu murenge wa Kanzenze.

Umuhango wabanjirijwe n’urugendo rwo kwibuka aho abaturage batuye mu karere ka Rubavu inshuti z’ako karere n’abafite ababo bashinguwe mu Rwibutso rwa Kanzenze. Hanatanzwe ubuhamya butandukanye bw’uko Interahamwe zishe Abatutsi muri aka gace.

JPEG - 67.7 kb
Abayobozi batandukanye bari kumwe na Minisitiri Gen. Kabarebe mu muhango wo kwibuka Abatutsi biciwe mu cyahoze ari komini Mutura na Rwerere

Mudenge Boniface, uhagarariye imiryango y’ababuze ababomuri aka gace yavuze ko nubwo ubwiyunge bwagezweho, hakiri bamwe bagihisha cyangwa bakagoreka ukuri kuri Jenoside yakorewe Abatutsi.

Ati ”Igikomeza kutubabaza ni uko hari abagihishira amakuru ku byabaye batanashaka kutubwira aho imibiri y’abacu yajugunwe ngo nayo ishyingurwe mu cyubahiro. urugero ubu turashyingura imibiri ibiri yakuwe ahantu abantu batuye kandi hari abari babizi.”

Yakomeje asaba ko abafite amakuru kutayahisha kuko nabyo byaba ari ingengabitekerezo kandi Abanyarwanda barahagurukiye kuyirandurana n’imizi yayo yose.

JPEG - 102.7 kb
Umuhango wabanjirijwe n’urugendo rwo kwibuka
JPEG - 113.1 kb
Abaturage barokotse barasaba abagihishe amakuru kuyatanga kuko kutayavuga na byo ari ipfobya
 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.