Advertisement
 
 
 
 
 
 
 
 

Amakuru | Mu Rwanda

Minisitiri muri Sierra Leone yatangajwe n’imiyoborere mu Rwanda   

  Yanditswe na UWIMANA DONATA
 5 months ago

 
 

Minisitiri wo muri Sierra Leone n’intumwa ayoboye baje kwigira ku Rwanda imiyoborere myiza batangazwa n’uko u Rwanda rufite inzego z’ubuyobozi zikomeye.

Izo ntumwa zivuga ko impamvu zaje kwigira ku Rwanda ari uko ari igihugu cyenda guhuza amateka na Sierra Leone cyashoboye kwiyubaka nyuma ya Jenoside yakorewe Abatutsi mu 1994.

Minisitiri ushinzwe ubutegetsi bw’igihugu n’amajyambere y’icyaro muri Sierra Leone, Maya Moiwo Kaikai yasobanuye ko akurikije ibyo yagaragarijwe bimaze kugerwaho mu Rwanda, yahakuye amasomo menshi mu birebana n’imiyoborere.

JPEG - 148.7 kb
Minisitiri Kaboneka Francis (uwa 5 ibumoso), iburyo bwe Minisitiri Maya wo muri Sierra Leone na Dr Alvera Mukabaramba umunyamabanga wa Leta muri MINALOC n’abandi bayobozi (Foto UWIMANA D)

Bimwe mu byabatangaje harimo kuba abagore bahabwa imyanya mu nzego z’igihugu zifata ibyemezo, ubuyobozi bwegerejwe abaturage, gukorera hamwe nk’ikipe n’ibindi.

Izi ntumwa zari zifite amatsiko y’ukuntu inzego zitandukanye zigenda zikorana n’uruhare rw’abaturage mu miyoborere, mu bisobanuro bahawe byagaragaye ko bishimiye ibyagezweho.

Maya yagize ati “Ubumenyi twigiye ku Rwanda harimo imihigo, imikoranire y’inzego, icyerekezo cy’igihugu n’uburyo abaturage bagira uruhare mu miyoborere”.

Minisitiri w’Ubutegetsi bw’Igihugu, Francis Kaboneka yabwiye itangazamakuru ko izo ntumwa zashakaga kumenya imiyoborere y’iki gihugu ituma hari ibikorwa bikorwa babona ko bitangaje.

Ati “Mu byo babazaga, babazaga uko byagezweho n’ibanga u Rwanda rukoresha.”

Minisitiri Kaboneka yababwiye ko icyo bisaba kugira ngo biyubake ari uko baba abayobozi, abaturage bagomba kwicara hamwe bakaganira uko igihugu cyabo cyayoborwa.

Ati “Indi nama ni uko mu byo bakora byose nk’abayobozi bagomba gushyira inyungu z’abaturage babo imbere y’ibindi byose, babazaga ikibazo cy’uburyo abadepite bashobora kujya muri njyanama bakaba bafata ibyemezo. Twababwiye ko ibyo bitaba byiza, ahubwo igikwiye umudepite yakwitabira inama ariko ntafate icyemezo kuri bo icyo ni ikibazo.”

Sierra Leone ifite ikibazo cy’amafaranga, imikoranire n’inzego z’ibanze ndetse na Minisiteri yabo y’imari bigaragara nk’aho izo nzego zombi zidakorana neza.

Kaboneka avuga ko babagiriye inama y’uko bashyira hamwe kuko bose bakorera igihugu kimwe.

Izi ntumwa zaturutse muri Sierra Leone zizamara mu Rwanda icyumweru kirenga zisura inzego zitandukanye, ku ikubitiro zasuye urwibutso rwa Jenoside rwa Kigali ku Gisozi.

Igihugu cya Sierra Leone giherereye muri Afurika y’Uburengerazuba, kiri mu byibasiwe cyane n’icyorezo cya Ebola mu minsi ishize.

 

Comments

 
 
Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.