Advertisement
 
 
 
 
 
 
 
 

Amakuru | Mu Rwanda

Minisitiri Kaboneka yahwituye abakobwa bemera guharikwa muri Congo   

  Yanditswe na MAGARAMBE THEODORE
 2 months ago

 
 

Minisitiri w’Ubutegetsi bw’Igihugu, Francis Kaboneka yasabye abaturage n’abayobozi mu karere ka Rubavu kurwanya ikibazo cy’abakobwa n’abagore bemera kujya gushaka abagabo bafite abandi bagore muri Repubulika Iharanira Demokarasi ya Congo (RDC).

Mu nama yagiranye n’imbaga y’abaturage mumirenge ya Busasamana, Mudende na Bugeshi ihana imbibi na RDC ku wa Gatatu tariki 28 Nzeri 2016, Minisitiri Kaboneka yasabye ubuyobozi guhagurukira iki kibazo akenshi giterwa n’uko Abanyarwandakazi bajyayo babeshywa akazi..

Yagize ati “Hari abana babakobwa bajya gushakira muri Congo, n’abagabo bafite abandi bagore bashikayo bakabahindura abacakara. Hari kandi n’abagabo bagiharika abagore benshi muri iyi mirenge bikaba bitera amakimbirane ku mitungo.”

JPEG - 275 kb
Abaturage bagaragaje ko ikibazo cy’ubuharike kibarembeje, ndetse gikurura amakimbirane mu miryango

Abaturage na bo bemeje ko iki kibazo kitari ku bagana muri Congo gusa kuko no mu miryango yabo kikigaragaramo ndetse ari na wo muzi w’ibanze w’amakimbirane bagihura na yo mu miryango.

Umuturage witwa Rukara Jean yagize ati “Data yashatse abagore bane, uwo basezeranye n’abana be bihariye umutungo. Turasaba ko mwaturenganura…”

JPEG - 83.4 kb
Minisitiri Kaboneka yasabye inzego z’ubuyobozi guhagurukira ikibazo cy’ubuharike

Muri iyi nama Minisitiri Kaboneka yafatanyije na Minisitiri w’Ingabo Gen James Kabarebe usanzwe ari imboni y’akarere ndetse na Meya Sinamenye Jeremie, mu gukemura ibibazo by’abaturage bishingiye ahanini ku mitungo n’akarengane.

Minisitiri Gen Kabarebe yashimye abaturage baturiye iyi mirenge ndetse n’indi igize akarere ku ruhare bagira mu kwicungira umutekano n’imikoranire ya hafi bafitanye n’inzego zishinzwe umutekano, abasaba no kongera imbaraga mu kwitabira gahunda za Leta zibateza imbere.



JPEG - 73 kb
Minisitiri Gen Kabarebe (ibumoso), Minisitiri Kaboneka, Guverineri w’Intara y’Iburengerazuba Mukandasira Caritasi n’uhagarariye Akarere
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.