Advertisement
 
 
 
 
 
 
 
 

Amakuru | Mu Rwanda

Minisitiri Busingye yasabye kurangiza imanza ‘z’indakoreka’   

  Yanditswe na TWAGIRA WILSON
 5 months ago

 
 

Minisitiri w’Ubutabera Busingye Johnston yasabye abahesha b’inkiko b’umwuga barahiye guhagurukira kurangiza imanza z’abinangiye gutanga iby’abandi nyuma yo gutsindwa.

Minisitiri Busingye yagarutse ku bigize indakoreka ubwo yarahizaga abahesha b’Inkiko batari ab’umwuga 67, uw’umwuga 1 na ba noteri 13 ku wa Kabiri tariki 21 Kamena 2016, ashimangira ko abinangiye badafite uburenganzira bwo kwigomeka no kudakurikiza amategeko y’u Rwanda.

Nyuma yo kwakira indahiro, Minisitiri Busingye yabasabye kurangiza imanza z’abafite inyandiko mpesha ntaho babogamiye, birinda kwigana amakosa ya bamwe mu bahesha b’inkiko basiragiza abaturage n’ibindi.

Ati “Ni mwe nkingi y’imiyoborere myiza, igaragaza isura nziza mu gukorera abaturage murangiza imanza ku gihe ku bafite inyandiko mpesha.”

JPEG - 37.9 kb
Minisitiri Busingye arahiza abahesha b’inkiko b’umwuga

By’umwihariko ku bahesha b’inkiko b’umwuga, yabasabye guhesha ubutabera abafite ibyemezo by’inkiko, n’abatishoboye n’ubwo ari abagenerwabikorwa baba badafite ibihembo byo kubaha.

Byiringiro Jean Paul umwe mu bahesha b’inkiko uzakorera mu Ntara y’Amajyepfo, yabwiye Imvaho Nshya ko yiteguye kutazaca ukubiri n’icyubahiro gikwiye inkiko nk’uko bikubiye mu ndahiro yakoze.

Ati “Niteguye kuzakorana inshingano zanjye icyubahiro n’umutimanama nsanganwe nk’Umunyarwanda ukunda igihugu cye.”

Kugeza ubu abahesha b’inkiko b’umwuga mu gihugu bamaze kurahira ni 301, mu gihe abatari ab’umwuga ari 2, 650, harimo n’umwe wo ku rwego rw’Umuvunyi.

Kuri ba noteri, yibukije inshingano ziremereye barahiriye, ati “Murasabwa ubushishozi n’ubunyangamugayo mu kazi mutegerejweho karimo ako kwemeza inyandiko z’umwimerere; mwese rero uko murahiye ni igihango musabwa kutazatatira nk’Abanyarwanda.’’

Ba noteri kandi bibukijwe ko bafite inshingano nziza ariko zikomeye zikaba zisaba ubushishozi n’ubunyangamugayo, ko inyandiko bemeje igira agaciro gakomeye mu buryo kuyikuraho bitoroshye.

Basabwe gusuzuma bitonze inyandiko basinyaho hagamijwe kureba ko zujuje ibiteganywa n’amategeko.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.