Advertisement
 
 
 
 
 
 
 
 

Amakuru | Mu Rwanda

MININFRA yahwituwe ku bikorwa Perezida Kagame yemerera abaturage ntibikorwe   

  Yanditswe na NTAWITONDA JEAN CLAUDE
 May 2016

 
 

Komisiyo y’Ingengo y’Imari mu Nteko Ishinga Amategeko Umutwe w’Abadepite, yahwituye Minisiteri y’Ibikorwa remezo (MINIFRA) ku bikorwa remezo Perezida Paul Kagame asezeranya abaturage ariko bikamara igihe bidahabwa agaciro mu itegurwa ry’ingengo y’imari igenerwa ibikorwa remezo mu gihugu.

Abadepite bagarutse kuri iki kibazo kuri uyu wa Mbere tariki 16 Gicurasi 2016, ubwo bakiraga abahagarariye MININFRA ngo basobanure ibiteganyijwe gukorwa mu mwaka w’ingego y’imari wa 2016/2017.

Abenshi muri bo bahawe umwanya wo kugira icyo bavuga ku bitenyijwe gukorwa mu mwaka utaha bashimangiye ko bigayitse kubona hari ibikorwa Perezida Kagame yemereye Abanyarwanda guhera mu mwaka wa 2003, ariko kugeza ubu bikaba bitarakorwa kandi amasezerano ye yagombye kugirwa nyambere mu gushimangira ko "imvugo ikomeza kuba ingiro."

Ibikorwa Perezida Kagame yemerera abaturage aho yakoreye uruzinduko, birimo imihanda, kubagezaho amashanyarazi, kubakirwa ibitaro cyangwa kubivugurura n’ibindi.

Abadepite batanze ingero z’imwe mu mihanda imaze imyaka irenga 10 itarubakwa yari yemewe n’Umukuru w’Igihugu. Muri yo harimo umuhanda Ngoma-Bugesera-Nyanza yemereye abaturage bo mu karere ka Ngoma mu mwaka wa 2003, uwa Huye-Kibeho-Ngoma umaze imyaka itanu ukiri mu nyigo n’iyindi.

Hari kandi abaturage bo mu karere ka Burera Perezida yemereye guhabwa amazi meza mu mwaka wa 2011 ariko ngo nta kirakorwa, kandi Leta itanga ingengo y’imari buri mwaka igashyirwa mu bindi bikorwa.

JPEG - 148.3 kb
Christian Rwakunda Umunyamabanga Uhoraho muri MININFRA (ibumoso) na Alexis Nzahabwanimana wasobanuraga imikoreshereze y’Ingengo y’imari

Umwe mu badepite yagize ati “Iyo Nyakubawa Perezida Kagame yasuye abaturage hari ibyo bamusaba hakaba n’ibyo abemerera. Iby’ingenzi biruta amasezerano Perezida yemereye abaturage guhera mu mwaka wa 2004 ni ibihe?”

Abadepite bashingira impungenge zabo ku kuba Umukuru w’Igihugu agiye gusoza manda ya kabiri y’umwaka wa 2017 hari ibikorwa yemereye abaturage bakaba bamaze igihe kinini bakibitegereje mu gihe bumva ahenshi yasuye bishyirwa mu bikorwa hadaciye kabiri.

Umunyamabanga wa Leta Ushinzwe ubwikorezi muri MININFRA, Dr Alexis Nzahabwanimana yashimangiye ko ibyihutirwa ari byinshi kandi byose bishingiye ku busabe bwa Perezida.

Yagize ati “Imishinga yose twasobanuye hano ni iyemewe na perezida. Hari iza muri gahunda y’imyaka irindwi cyangwa mu zindi gahunda. Ntabwo bishoboka ko Minisiteri yakora yirengagije ibyasabwe na Perezida, ariko mu ngengo y’imari ya miliyari ziri munsi ya 300 dushyiramo ibishobora kujyamo ibisigaye ubwo tugakomeza tugashakisha amafaranga.”

Mu mwaka w’Ingengo y’imari wa 2016/2017 hateganyijwemo gukemura ibibazo by’imiturire n’iyubakwa ry’imihanda amazi akagezwa ku ntego ya 100% ndetse n’amashanyarazi agakwizwa mu gihugu ku kigero cya 70% nk’uko biteganywa muri Gahunda ya guverinoma.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.