2017-12-11 14:03:29 clouds 27o High | Kigali Rwanda

Dukurikire:
 
 

MINEDUC yahumurije abanyeshuri ba kaminuza zahagaritswe

Yanditswe na IMVAHO NSHYA

Kuya 2017-03-21 05:48:17

 
Share on:
 
Yasuwe:1056
 
Yavuzweho:200
 
10
 
10

Minisitiri w’Uburezi Dr. Musafiri Malimba Papias yatangaje ko hahagaritswe kaminuza 4 naho 6 zihagarikirwa amwe mu masomo kuko nta mpamvu yatuma abantu bishyurira abana babo amashuri bazi neza ko bazakuramo impamyabumenyi idafite icyo imara ku isoko ry’umurimo.

Dr. Musafiri yavuze ko guhagarika ayo mashuri byaturutse mu bugenzuzi rusange bwakorewe amashuri makuru mu mwaka w’amashuri wa 2016/2017 bikagaragara ko hari ukutubahiriza ibyo basezeranyije Leta.

Ati “Ntabwo byumvikana yuko nkatwe twakomeza kwishyura amafaranga, twishyurira abana bacu tubajyana mu mashuri tuzi yuko bazakuramo impamyabumenyi ariko zitazagira icyo zibamarira ku isoko ry’umurirmo.”

JPEG - 249.3 kb
Minisitiri w’Uburezi Dr Musafiri Papias Malimba, mu kiganiro n’itangazamakuru tariki ya 20 Werurwe 2017 (Foto Samuel M)

Yasobanuye ko kwemerera amashuri gukora no kuyakorera ubugenzuzi ari urugendo ruhoraho. Avuga ko ishuri ryemererwa gukora rimaze kwerekana gahunda rigiye kwigisha ibindi rikagaragaza uko rizagenda ribyuzuza, ari nayo mpamvu Leta ikomeza kugenzura niba ryarubahirije ibyo ryasezeranye rihabwa ibyangombwa.

Ati “Iyo ntambwe ya kabiri iyo idatanze umusaruro abantu bitezeho mu buryo bwo kujya inama no guherekeza hafatwa intambwe ivuga ngo noneho izo porogaramu ba uzihagaritse ubanze wuzuze ibi ngibi kugira ngo tukwemerere gukomeza gukora.”

Yijeje abanyeshuri bazihanganira gutegereza ko kaminuza zikosora zikuzuza ibisabwa 100% bazashobora gukomezanya na zo amasomo yabo. Abanyeshuri batazihanganira amezi atandatu yatanzwe, Minisitiri Dr Musafiri yagize ati “Minisiteri izatanga ubufasha bwose bushoboka kugira ngo babone ahandi bazakomereza kwiga amasomo yabo ntibazayacikirize kandi iyo ni inshingano twafashe nka Leta.”’

Umuyobozi Mukuru w’Inama y’amashuri makuru (HEC), Dr Mugisha Sebasaza yavuze ko wasangaga hari nk’aho ikigo cyatangiranye abarimu runaka bafite impamyabumenyi zihanitse, bafite amasezerano y’akazi, yarangira aho kugira ngo icyo kigo kiyavugurure kigahitamo kubasimbuza abarimu bari ku kigero gito. Ahandi nko mu bigisha ubumenyi hakagaragara ko ibyumba bya laboratwari n’imfashanyigisho bitagendanye n’uko umubare w’abanyeshuri ugenda wiyongera.

Ibyo bigaherekezwa n’ingingo ikomeye y’imicungire n’imiyoborere yayo mashuri hagati y’ubuyobozi bw’amashuri na banyiri ayo mashuri.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE