Advertisement
 
 
 
 
 
 
 
 

Amakuru | Mu Rwanda

MINEDUC yahaye gasopo amashuri yiyitirira amasomo ya kaminuza ya Cambridge   

  Yanditswe na MUGISHA BENIGNE
 June 2016

 
 

Minisiteri y’Uburezi yihanangirije amashuri agendera ku nteganyanyigisho z’amahanga akorera mu Mujyi wa Kigali akiyitirira ko yigisha porogaramu ya Cambridge kugira ngo akurure abakiriya.

Mu nama y’uburezi iyi minisiteri yagiranye n’abafatanyabikorwa mu burezi bo mu mujyi wa Kigali, umunyamabanga wa Leta ushinzwe amashuri abanza n’ayisumbuye Rwamukwaya Olivier yanenze cyane bamwe mu bashinga amashuri bakayitirira ko yigisha muri Porogaramu ya Cambridge kandi ari ibinyoma.

Yagize ati “ Amashuri nk’ayo yiyitirira Porogaramu ya Cambridge kandi ataribyo akurikiza ndetse bitanazwi na Cambridge ubwayo ntazemererwa gutangira muri kwezi kwa Nzeli kuko ariho ayo mashuri akoresha gahunda y’amahanga atangirira.”

JPEG - 243.9 kb
Umunyamabanga wa Leta ushinzwe amashuri abanza n’ayisumbuye, Olivier Rwamukwaya

Rwamukwaya avuga ko Minisiteri y’Uburezi yakoze igenzura muri ayo mashuri igasanga hari atazwi na banyir’iri porogaramu biyitirira, kandi nta ruhushya rwo gukorera muri iyo porogaramu afite.

Yagize ati “ Abafite amashuri akoresha integanyanyigisho y’amahanga agomba kubisabira uruhushya mu Kigo cy’igihugu gishinzwe uburezi REB, porogaramu yabo igasuzumwa, bagahabwa uburenganzira bwo gukorera muri uwo murongo.”

Avuga ko abari bagenzuwe bagasanga batujuje ibisabwa bari bahawe amezi abiri ngo babe bakemuye ibibazo bafite, ariko ngo nta cyo babikozeho kugeza ubu.

Ati “ Abafite ibibazo batakemuye mu bo twari twagenzuye ntituzabemerera gutangiza amashuri mu kwezi kwa cyenda, kandi muri abo, abenshi ntibanafite urwandiko rubemerera gukora muri ubwo buryo.”

Yongeyeho ati” Mubwize ukuri Abanyarwanda ko mudakorera kuri Porogaramu ya Cambridge, bityo mukurikize integanyanyigisho y’igihugu mu burezi, kandi na byo mubisabire uburenganzira.”

Yavuze ko akajagari k’amashuri nk’aya kiganje mu Mujyi wa Kigali, asaba abashinzwe uburezi muri uyu mujyi kukirinda.

Rwamukwaya yavuze ko abiyitirira porogaramu ya Cambridge batazwi na bayishyizeho by’umwimerere baba babeshya Abanyarwanda muri rusange n’ababyeyi bahajyana abana by’umwihariko.

Ati “ usanga nta bikorwaremezo bikwiriye bafite, nta barimo bahugukiwe kwigisha muri iyo porogaramu ndetse banishyuza amafaranga menshi ku bayigamo kandi mu by’ukuri nta cyo babaha kigararagara.”

Yanenze n’ababyeyi bumva ko ishuri ryaje ryigisha muri porogaramu ya Cambridge, bakihutira kwandikishayo abana babo, batabanje kugenzura no gushaka amakuru ajyanye na ryo.

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.