Advertisement
 
 
 
 
 
 
 
 

Amakuru | Mu Rwanda

MINEDUC yahagurukiye imibare ya baringa mu burezi   

  Yanditswe na NIYONSENGA SCHADRACK
 June 2016

 
 

Abashinzwe uburezi mu mirenge yose y’igihugu ku wa 31 Gicurasi 2016 bagenewe mudasobwa bagomba kujya bifashisha mu kazi kabo hagamijwe guhashya imibare ya baringa ikunze gutangwa n’abayobozi b’ibigo by’amashuri.

Iyo mibare yatumaga rimwe na rimwe havugwa imibare y’abanyeshuri benshi bavuye mu mashuri kandi atari ukuri.

Ni imibare y’abanyeshuri baba babarizwa mu kigo runaka ijya itangwa n’abayobozi b’ibigo by’amashuri bagatanga umubare munini kurenza uw’abo bafite ngo Leta ibagenere umubare munini w’amafaranga ahabwa ishuri azwi nka “Capitation Grant”.

Ted Maly uhagarariye UNICEF mu Rwanda avuga ko umuryango ahagarariye wagize igitekerezo cyo gutera iyi nkunga uburezi bwo mu Rwanda bitewe n’uko basanzwe babona imikorere yabwo itera imbere n’ubwo hari n’ibindi byinshi bigikenewe.

Ted ati “Ni mudasobwa duhamya ko zizafasha abashinzwe uburezi mu mirenge mu kazi kabo, nibaba bazifite akazi ka buri munsi kazihuta. Ni igitekerezo twagize nyuma y’uko minisiteri idusabye kugira icyo dufasha mu burezi, dukorana nabo mu mirimo yacu ya buri munsi dushaka icyateza uburezi imbere muri byinshi biba bikenewe.”

JPEG - 204.5 kb
Rwamukwaya Olivier , Umunyamabanga wa Leta ushinzwe amashuri abanza n’ayisumbuye na Ted Maly uhagarariye UNICEF bamaze gutanga mudasobwa (Foto: Gisubizo G)

Abashinzwe uburezi mu turere bahawe mudasobwa bemeza ko imibare ya baringa yajyaga igaragara yaterwaga n’uburyo bwo kubika amakuru butari bunoze ariko ko ubu bigiye gukosoka nk’uko Musabyimana Jean Damascene ushinzwe uburezi mu Murenge wa Gahanga abisobanura.

Ati “Imibare ya baringa ntekereza ko ari uburyo bwo kubika butari bunoze, iyi mudasobwa baduhaye twizera ko izadufasha kumenya amakuru ku buryo umuntu akurikirana akamenya ko ibyo yatanze ari ibintu bifatika”.

Umunyamabanga wa Leta ushinzwe amashuri abanza n’ayisumbuye, Rwamukwaya Olivier yishimiye itangwa ry’izi mudasobwa, avuga ko zizoroshya ibikorwa by’uburezi mu gihugu hose.

Ati “Twishimiye ko tumaze gutanga izi mudasobwa tubitewemo inkunga na UNICEF isanzwe ifasha uburezi mu Rwanda, bizihutisha amakuru kuko basura amashuri bakagira ibyo babona bakabishyikiriza inzego zibakuriye.

By’umwihariko biradufasha gukemura ikibazo cyo guhimba amazina y’abanyeshuri nk’uko byagaragaye kuri bamwe mu bayobozi b’ibigo, bityo ubwo tuzanakemura ikibazo cy’abanyeshuri ba baringa twajyaga twibeshya ko bataye ishuri kandi mu kuri batabaho”.

Biteganyijwe ko buri muntu ufite icyo akora mu burezi bwo mu Rwanda azahabwa mudasobwa gusa kuri ubu bahereye ku bashinzwe uburezi mu mirenge 416 igize u Rwanda.

MINEDUC kandi irateganya kugeza umuriro w’amashanyarazi ndetse na interineti mu bigo by’amashuri byose.

 

Comments

  • Bright June 2016

    Nge nkeka ko ibi bya mudasobwa babahaye ntacyo bizakemura!! ko N’ubundi se zikoreshwa n’abantu!!

  • Bright June 2016

    Nge nkeka ko ibi bya mudasobwa babahaye ntacyo bizakemura!! ko N’ubundi se zikoreshwa n’abantu!!


 
 
Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.