2017-12-13 09:46:30 clouds 27o High | Kigali Rwanda

Dukurikire:
 
 

Min. Murekezi yasabye abashinjacyaha bashya ba gisirikare kudatatira igihango

Yanditswe na IMVAHO NSHYA

Kuya 2017-03-29 06:22:38

 
Share on:
 
Yasuwe:432
 
Yavuzweho:200
 
10
 
10

Mu muhango wo kurahiza abashinjacyaha batatu ba gisirikare, Minisitiri w’Intebe Murekezi Anastase yabibukije ko bagiranye igihango n’Abanyarwanda bose, bakaba bagomba gukora uko bashoboye bakubahiriza ibyo barahiriye.

Mu irahira ry’Abashinjacyaha batatu ba gisirikare ari bo Capt. Vincent Ndayisaba, Capt. Kayitare Christian na Lt Muhawenimana Claudine, Minisitiri w’Intebe Murekezi yibukije abarahiye agaciro k’indahiro.

Ati “Buriya indahiro iba ikomeye, ni igihango umuntu aba agiranye n’uwo bayigiranye, iyo uyitatiye rero uba ugiranye ibibazo n’Abanyarwanda bose.”

Minisitiri w’Intebe kandi yibukije aba bashinjacyaha batatu ba gisirikare ko biyemeje kutazakoresha ububasha bahawe mu nyungu zabo bwite.

Ati “Inshingano zanyu zirakomeye. Inshingano z’ingenzi ni ugukurikirana umuntu wese mu cyaha kijyanye n’igisirikare, mwebwe ngabo z’u Rwanda musanganywe disipulini muzwiho n’Abanyarwanda bose.”

Yabasabye gukora no gukoma mu nkokora buri wese uzakora ibitajyanye na disiplini. Ati “Murasabwa kurangwa na disipuline nk’abasirikare b’inyangamugayo kuko bizatuma abantu bose babizera mu gihe muzaba muganisha ku bucamanza butabera.”

Minisitiri w’Intebe Murekezi Anastase kandi yasabye abo bashinjacyaha ba gisirikare guhora bihugura mu mategeko, bakamenya ayacyuye igihe n’atakijyanye n’igihe, gukoresha ikoranabuhanga kuko ryihutisha akazi no gukorera mu mucyo.
Yanabibukije igisobanuro cyo kuba umusirikare w’umu ofisiye. Ati “Kuba Ofisiye bivuze ko musobanukiwe neza umuco mwiza uranga ingabo z’u Rwanda, kubana neza n’ababakuriye, abo mureshya n’abo mukuriye”.

Yabasabye no kwirinda amadosiye y’ibirarane, uhereye mu bushinjacyaha, ubugenzacyaha n’ubucamanza, asoza ijambo rye abifuriza imirimo myiza bamaze kurahirira.

Abashinjacyaha ba gisirikare barahiriye imbere ya Minisitiri w’Intebe ni abemejwe n’Inama y’Abaminisitiri yo ku wa 03 Gashyantare 2017.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE