Advertisement
 
 
 
 
 
 
 
 

Amakuru | Mu Rwanda

MIGEPROF igiye kwihutisha gufunga ibigo by’imfubyi byari bisigaye   

  Yanditswe na MUHIZI ELISÉE
 June 2016

 
 

Minisitiri w’Uburinganire n’iterambere ry’umuryango Dr Gashumba Diane, yatangaje ko ibigo by’imfubyi biri mu turere twa Kamonyi, Muhanga, Ruhango na Nyanza mu Ntara y’Amajyepfo bigiye gufungwa.

Mu nama Minisitiri w’Uburinganire n’Iterambere ry’umuryango yagiranye n’abagize inama y’igihugu y’abagore mu Ntara y’Amajyepfo, yagaragaje ko imyaka 22 ishize ihagije kugira ngo abana barererwa mu bigo by’imfubyi bavanwemo, bityo babashe kurererwa mu miryango nyarwanda y’abantu bafite umutima mwiza.

Minisitiri Gashumba avuga ko abafite aho bahurira n’umuryango bakwiriye kureba ba Malayika murinzi ku rwego rw’imidugudu, buri wese agafata nibura umwana umwe.

Yagize ati:«Ntabwo byumvikana kubona hakiri abana b’imfubyi bakirererwa mu bigo by’imfubyi, mu minsi ya vuba turahagarika ibigo byareraga aba bana.»

PNG - 1.2 Mb
Minisitiri w’uburinganire n’iterambere ry’umuryango n’abagize inama y’igihugu y’abagore mu majyepfo (Foto Muhizi Elisée)

Bamwe mu bagize inama y’Igihugu y’abagore bari muri iyi nama, bavuga ko benshi mu bana barerewe mu kigo cy’imfubyi cya JAM giherereye mu kagali ka Kinini, Umurenge wa Shyogwe mu karere ka Muhanga, usanga ari bo banywa ibiyobyabwenge ndetse bagahungabanya umutekano mu mujyi wa Muhanga, bakavuga ko iki gikorwa cyo gufunga burundu ibigo birera imfubyi cyagombye kwihutishwa.

Uretse ikibazo cy’ibigo by’imfubyi bigomba guhagarika imirimo yabyo mu minsi ya vuba, Minisitiri w’uburinganire n’iterambere ry’umuryango, yagaragaje ko bagiye gufasha imiryango itatu yo mu karere ka Muhanga iri mu cyiciro cya mbere cy’ubudehe, mu rwego rwo kugira ngo nayo ivanwe mu bukene ibe yatera imbere.

Akomeza avuga ko mu bantu bagomba gufasha iyi miryango iri mu cyiciro cya mbere cy’ubudehe, Minisitiri ufite mu nshingano ze gukurikirana imikorere y’Akarere atagomba gusigara inyuma, bityo nawe akwiye gushyirwa ku rutonde rw’abantu bakwiriye gufasha iyi miryango ifite ubushobozi buke.

Mu bindi bibazo abafite mu nshingano iterambere ry’umuryango ndetse n’inama y’Igihugu y’abagore bagiye gusuzuma, harimo n’ibibazo by’abana b’inzererezi ndetse n’igituma bata imiryango yabo n’amashuri.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.