Advertisement
 
 
 
 
 
 
 
 

Amakuru | Mu Rwanda

Meya wa Kicukiro yasobanuye bimwe mu biranga abafite ingengabitekerezo ya Jenoside   

  Yanditswe na NIYONSENGA Schadrack
 April 2016

 
 

Meya Dr Nyirahabimana Jeanne uyobora Akarere ka Kicukiro yemeza ko hari ibintu byinshi byerekana abantu bagifite ingengabitekerezo ya Jenoside n’ubwo bo baba bakeka ko nta wapfa kubavumbura.

Ubwo yari yitabiriye umuhango wo kwibuka ku nshuro ya 22 ku rwego rw’Umurenge wa Gahanga mu Karere ka Kicukiro, Meya Dr Nyirahabimana Jeanne yavuze ko kuri ubu u Rwanda rwahagurukiye kurwanya rwivuye inyuma ingengabitekerezo ya Jenoside ikigaragara hamwe na hamwe.

Yasobanuye ko umuntu ufite ingengabitekerezo ya Jenoside agaragarira mu bikorwa n’imyifatire ariko abo bari kumwe bo ntibabibone, bagakeka ko ibyo barimo ari ibisanzwe .

Ati, “Ingengabitekerezo igaragara mu mvugo mbi, nk’ubu ukumva nk’umuntu aravuze ngo biriya barimo ntacyo bivuze.Ingengabitekerezo kandi igaragarira mu myitwarire; ukabona umuntu aritwara nk’aho ibyo u Rwanda n’Isi turimo we ntacyo bimubwiye cyangwa bimurebaho, nk’ubu twaravuze tuti hari amasaha yo guhagarika akazi ariko ugasanga umuntu ari gukora ntacyo bimubwiye”

JPEG - 83 kb
Meya wa Kicukiro Nyirahabimana Jeanne na Kaboyi J Bosco uyobora umurenge wa Gahanga bacana urumuri rwo kwibuka (Foto: Niyonsenga S.)

Dr Nyirahabimana yakomeje agira ati, “Bene iyo myitwarire no kuvuga nabi ukomeretsa ukagirango ahari umuntu yari yarategereje icyunamo ngo abone kuvuga nabi ikwiye gucika. Umunyarwanda wese akwiye kumva ko iki gihe ari icyo kubaha, tukubaha abazize Jenoside ariko tukanegera abacitse ku icumu tukabahumuriza, tukanabafasha.”

Umunyamabanga Nshingwabikorwa w’Umurenge wa Gahanga Kaboyi Jean Bosco we asanga abafite ingengabitekerezo ya Jenoside izabapfira ubusa.

Ati”Dufite ibimenyetso bigaragaza ko ingengabitekerezo itarashira mu Banyarwanda ariko icyo twishimira aka kanya ni uko iyo urebye nk’umubare w’aba bari hano baje kwibuka ubona ko igenda icika. Nunayifite ntacyo azayimaza kuko abenshi bamuvuyeho.”

 

Comments

 
 
  Itangazamakuru ryasabwe gufata iya mbere mu kurinda abangavu gutwara inda zitateguwe
Itangazamakuru ryasabwe gufata iya mbere mu kurinda abangavu gutwara inda zitateguwe

Umuryango nyarwanda ugamije guteza imbere ubuzima, HDI, urasaba ko itangazamakuru gufasha abanyarwanda guhindura imyumvire no gukuraho imbogamizi ababyeyi bahura na zo mu kuganiriza abana babo (...)

Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.