Advertisement
 
 
 
 
 
 
 
 

Amakuru | Mu Rwanda

Maroc: Hagarutswe ku mushinga wa Kalisimbi witezweho kurinda ikirere   

  Yanditswe na NTAWITONDA JEAN CLAUDE
 2 months ago

 
 

Guverinoma y’u Rwanda yagarutse ku nyungu yiteze ku mushinga utegerejwe ku gasoongero k’Ikirunga cya Kalisimbi ukubiyemo ibikorwa birimo kugenzura Iteganyagihe mu Rwanda no mu muryango w’ubucuruzi w’ibihugu by’iburasirazuba n’amajyepfo y’Afurika (COMESA).

Kalisimbi yatoranyirijwe gushyirwaho Ibiro bigenzura iteganyagihe n’imihindagurikire y’ibihe kuko ari ko gace kari ku butumburuke bwo hejuru ahoroshye cyane gukurura amkuru y’iteganyagihe nyuma y’aho mu mwaka wa 2007 u Rwanda rwagaragajwe nk’igihugu cya COMESA kigomba kugenzura ikirere mu karere.

Uyu mushinga witezweho kurangira utwaye akayabo ka miliyoni 300 z’amadolari ya Amerika, uzaba ugizwe kandi n’imodoka zigenda ku migozi hejuru ya Kalisimbi.

Itsinda ry’Impuguke riturutse muri Kaminuza y’Ikoranabuhanga ya Massachusetts (Massachusetts Institute of Technology/MIT) ryasuye u Rwanda mu mwaka wa 2009 zisanga Umusozi wa Mugongo n’Ikirunga cya Kalisimbi ari two duce turi mu majyaruguru y’igihugu twaberaho ibikorwa byo kugenzura imihindagurikire y’ibihe.

Minisitiri w’Umutungo Kamere yagarutse kuri gahunda u Rwanda rufite gushyira mu bikorwa bitarenze mu mwaka wa 2017 ubwo rwashimiraga kwinjizwa mu ry’ibihugu n’abikorera riharanira kubungabunga ubuzima ririnda ikirere hagabanywa ibyago bitezwa n’inganda (Climate and Clean Air Coalition) ku wa Mbere muri Maroc mu nama ya 22 y’ibihugu byashyize umukono ku masezerano mpuzamahanga ajyanye n’imihindagurikire y’ibihe (COP22).

JPEG - 146.9 kb
Bimwe mu bihugu byatangiye kubura umwuka wo guhumeka kubera ibyuka bisohorwa n’inganda ndetse n’imodoka

Minisitiri w’Umutungo Kamere Dr. Biruta Vincent yagaragaje ko u Rwanda rwishimiye kwiyunga kuri iri tsinda ahamya ko bazatanga umusanzu ufatika mu kubungabunga ikirere.

Yakomeje agaragaza ko u Rwanda rwiteguye gutanga ubufasha bwose bukenewe mu guhagarika ibyuka bihumbanya ikirere (black carbon) bikomoka ku nganda, imodoka ndetse na moteri byanduza ikirere cyane cyane mu mijyi.

Nka kimwe mu bizafasha u Rwanda mu guhangana n’abanduza ikirere Minisitiri Biruta yashimangiye ko harimo ahazashyirwa igicumbi cy’igenzura ry’ikirere (climate observatory) cyitezwe ku gasongero k’ikirunga cya Kalisimbi kari ku butumburuke bwa metero metero 4,507.

Yagize ati “Turimo gushyiraho igicumbi cy’igenzura ry’ikirere kizaduha amakuru yizewe dukeneye mu gufata ingamba zo kugabanya ibyuka bigihumanya. Izi ngufu zihurizwa zihabwa ingufu n’itegeko rihana rihana abanduza ikirere.

Minisitiri Dr. Biruta yanashiimangiye ko mu kugabanya ibyuka bihumanya ikirere hongerewe imisoro ku modoka zishaje, ndetse n’iziri mu gihugu zose zikaba zitegetswe gukimwa ikigero cy’ibyuka zisohora.

JPEG - 71.1 kb
Guverinoma y’u Rwanda yashyizeho ingmba zikumira imodoka na moteri bisohora ibyika biumanya ikirere

Yanagarutse ku mbogamizi iri tsinda rikwiye kurebaho cyane ijyanye n’ibikorwa byo gutwika amashyamba no gucana amakara bikunze kugaragara mu Rwanda no mu bindi bihugu bya Afurika kuko ibiti ari yo soko y’ibicanwa ku mubare munini w’abaturage.

U Rwanda rwashimiye icyizere amahanga yarugiriye cyo gutanga umusanzu mu guhindura amasezerano ya Montreal (Montreal Protocol) arebana no kurinda akayunguruzo k’izuba.

Dr. Biruta ageza ijambo ku bahagarariye ibihugu biri mu itsinda 'Climate and Clean Air Coalition'


JPEG - 53.2 kb
Umushinga wa Kalisimbi witezweho gutanga amakuru yizewe azifashishwa mu guhangana n’ihumanywa ry’ikirere
 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.