2017-08-18 14:28:59 clouds 27o High | Kigali Rwanda

Dukurikire:
 
 

Amafoto: Malala Yousafzai yashimye uko u Rwanda rwita ku mpunzi

Yanditswe na IMVAHO NSHYA

Kuya 2016-07-14 13:23:02

 
Share on:
 
Yasuwe:6
 
Yavuzweho:200
 
10
 
10

Malala Yousafzai, wahawe igihembo cy’amahoro cyitiriwe Nobel afite imyaka 17 yasuye inkambi y’impunzi z’Abarundi ya Mahama, ashima uburyo zibayeho muri rusange ariko cyane cyane uko abana b’abakobwa bitaweho.

Ubwo yari mu nkambi ya Mahama, yakirijwe indirimbo y’abana b’impunzi bamwifuriza isabukuru nziza dore ko ku wa Kabiri twariki 12 Nyakanga ari bwo yujuje imyaka 19, akaba yanasuye impunzi z’Abarundi n’iya Dabaab muri Kenya mu rwego kuyizihiza.

Uyu mukobwa wahembewe guharanira uburenganzira bw’abana b’abakobwa cyane cyane uburezi, yishimiye uko yasanze abakobwa bari mu nkambi ya Mahama bitaweho, bakaba bataracikirije amashuri nk’uko bikunze kugenda mu zindi nkambi.

Gusa yababajwe cyane n’uko hakibarurwa abana barenga 2700 batarabona amahirwe yo kujya mu ishuri, bakaba ari abiganjemo abibana bagorwa no kwita ku mibereho yabo ya buri munsi babihuza no kwiga.

Yagize ati "Nashimye u Rwanda uburyo rwita ku burenganzira bw’abana b’abakobwa b’impunzi. Nasanze barahawe amahirwe yo kwiga n’abagore bafite ijambo muri rusange.U Rwanda ni icyitegererezo ku Isi. Rwakoze byinshi ibindi bihugu bikiri mu nzira y’amajyambere bitarakora.”

Abangavu bari mu kigero kimwe bamutunguje kumuririmbira bizihiza isabukuru ye y'amavuko

Minisitiri Ushinzwe Ibiza n’Impunzi, Seraphine Mukantabana yavuze ko uruzinduko rwa Malala Yousafzai ari umugisha ku Rwanda, cyane ko yaharaniye uburezi bw’abakobwa kandi bukaba ari kimwe mu byo Leta yimirije imbere ndetse akaba akora ubuvugizi ku burezi bw’abana cyane cyane ubw’abakobwa.

JPEG - 84.4 kb
Malala Yousafzai n’abana b’abakobwa bo mu nkambi ya Mahama

Yasuye abana ku kigo bigiraho ashima uburyo ishuri ryabo ari ry'icyitegererezo Impunzi z'Abarundi zisigaye zifite uburuzi bugenda butera imbere

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE