Advertisement
 
 
 
 
 
 
 
 

Amakuru | Mu Rwanda

Maj. wari ushinzwe ubutasi no gutegurira FDLR urugamba yatashye mu Rwanda   

  Yanditswe na IYAREMYE YVES
 3 months ago

 
 

Majoro Mvuyekure Pierre umwe mu barwanyi ba FDLR wari ushinzwe ibikorwa by’ubutasi no gutegura urugamba muri Kivu y’Amajyaruguru muri Repubulika Iharanira Demokarasi ya Congo yatahutse mu Rwanda kuri uyu wa gatanu tariki 25 Ugushyingo 2016.

Maj Mvuyekure uvuka mu karere ka Nyabihu yatahukanye na Sous Lieutenant Ntibibuka Olivier Nemba ukomoka mu karere ka Gakenke we akaba yemeza ko avuye mu ngabo za FARDC zikorera i Masisi.

Maj Mvuyekure uzwi ku izina rya Kinyange yemeza ko yabaga mu mashyamba ya Nyamuragira, akavuga ko kuba yagarutse mu Rwanda nk’igihugu cyamubyaye ari inzozi amaranye imyaka ibiri zabaye impamo.

Yagize ati “Kuba natashye nkagera mu Rwanda amahoro ni igikorwa gikomeye cyane, ni ibyo nakwita gukabya inzozi. Twacitsemo ibice bibiri nta bushobozi dufite tubeshejweho no kwiba gusa ni umugambi nafatanye ubwitonzi kuko hari benshi byananiye.”

JPEG - 282.1 kb
Maj Mvuyekure wavuye muri FDLR (uw’inzobe i Buryo) na Sous Lieutenant Ntibuka wabaga muri FARDC (Foto Iyaremye Y)

Maj Mvuyekure yakomeje abwira Imvaho Nshya ati “Nari mfite umwanya mwiza kuko ni njye washakaga amakuru nkanategura ibijyanye n’ibitero ariko ubuzima twarimo nabonye ari mission Impossible (ubutumwa budashoboka) turwana urugamba tutazatsinda. Ku wa 19 Ugushyingo ni bwo nabonye amahirwe yo kuva mu gace narimo negera Monusco i Tongo ishobora kungeza i Goma ndaza.”

Maj Mvuyekure uvuka mu cyahoze ari Komini Nyamutera muri Prefegitura ya Ruhengeri (Nyabihu y’ubu) yiyunze kuri FDLR mu 1997 ubwo abacengezi bamukuye aho avuka bakamujyana muri Congo akigishwa igisirikare ahitwa Rushihe.

Avuga ko yari umwe mu basirikare bari bizewe kandi bakomeye bungirije Br Gen Ntawunguka Pacifique uzwi nka Omega, gusa ngo nta byishimo yari afite.

Sous Lieutenant Ntibibuka Olivier nawe uvuka i Nemba mu karere ka Gakenke, wabarizwaga muri FARDC yavuze ko yavuye mu Rwanda mu mwaka wa 1998 ubwo abacengezi basubiraga muri Congo bamutwaye n’abandi barwanyi bigishwa igisirikare ariko ngo na we yari amaze kurambirwa gukorera amahanga akandi afite igihugu cyamubyaye.

 

Comments

 
 
Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.