Advertisement
 
 
 
 
 
 
 
 

Amakuru | Mu Rwanda

Maj. Dr Rutagomwa ushinjwa kwica umwana yakatiwe gufungwa iminsi 30 by’agateganyo   

  Yanditswe na TWAGIRA WILSON
 2 months ago

 
 

Urukiko rwa Gisirikare i Nyamirambo kuri uyu wa Gatatu rwakatiye Maj. Dr. Rutagomwa Aimable ukurikiranweho icyaha cyo kwica umwana gufungwa iminsi mirongo itatu y’agateganyo.

Maj Dr Aimable Rutagomwa ni umuganga mu bitaro bya gisirikare by’u Rwanda ashinjwa kwica umwana w’imyaka 18 wo mu baturanyi mu ijoro ryo ku wa 04 Nzeri.

Ubwo yari imbere y’urukiko ku wa Kabiri yahakanye ko yishe uyu mwana kuko we yafashe igisambo bakarwana aho atuye mu mudugudu w’Ubumwe Akagari ka Rubirizi mu murenge wa Kanombe mu karere ka Kicukiro,nyuma akabwirwa ko uwo barwanaga yapfuye.

Ubushinjacyaha bwavuze ko Maj.Rugomwa yafashe Mbarushimana Théogène wishwe akamujyana iwe mu rugo, akamukubita yamara kumunoza akamujyana hanze y’igipangu, agahamagara umuyobozi w’umudugudu amubwira ko yishe igisambo.

Uwo mwana ngo yafashwe se wabo Gahutu amutumye kuri butike kumugurira byeri, agafatwa arimo asubira imuhira.

Ubushinjacyaha buvuga ko umuganga wasuzumye umurambo wa Mbarushimana, yasanze yakubiswe icyuma mu mutwe w’inyuma ukameneka ndetse n’ubwonko bukagerwaho.

Na none kandi ngo yari yacitse intoki ebyiri urwa kane n’urwa gatanu ari na byo bikagaragaza ko uyu mwana yageragezaga kwikingira.

Asoma imyanzuro y’urukiko, umucamanza yavuze ko Maj. Rutagomwa yiyemereye ko yakubise nyakwigendera ndetse bigashimangirwa n’abaturanyi ndetse n’ibizamini byo kwa muganga.

Yongeyeho ko n’umuvandimwe we Nsanzimfura Mamerto yemeye ko bakubise uwo mwana, ashimangira kandi ko icyaha cyo kwica umuntu ubigambiriye ari icyaha kiremereye ku buryo abo bagabo bombi bagomba gufungwa mu minsi mirongo itatu mu gihe iperereza rigikomeje.

Igisirikare cy’u Rwanda cyamaganye ibyakozwe uyu musirikare kuko bihabanye n’inshingano Ingabo z’igihugu zifite ku baturage, ndetse bamwe mu basirikare bakuru basura umuryango wareraga uyu mwana bawufata mu mugongo ku ya 7 Nzeri.

Ubwo basuraga uyu muryango, Umuvugizi w’Ingabo z’u Rwanda, Lt Col René Ngendahimana, yabwiye abanyamakuru ati "Kwica abaturage ntibiri mu muco n’ubunyamwuga Ingabo z’u Rwanda zatojwe. Akazi kacu ni ukubarinda."

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.