2017-07-22 13:49:51 clouds 27o High | Kigali Rwanda

Dukurikire:
 
 

Leta yishimira kuba ibiribwa byinshi mu bitunze Abanyarwanda babyihingira

Yanditswe na IMVAHO NSHYA

Kuya 2016-11-29 11:45:32

 
Share on:
 
Yasuwe:0
 
Yavuzweho:200
 
10
 
10

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga.

Mu nama mu nama nyungurabitekerezo ku isano iri hagati y’ubuhinzi na gahunda yo kurengera abatishoboye yabereye i Kigali kuri uyu wa 29 Ugushyingo, Perezidante w’Inteko Ishinga Amategeko Umutwe w’Abadepite Donatille Mukabarisa, yashimangiye ko nubwo hari byinshi bimaze kugerwaho mu buhinzi bw’u Rwanda hari ibikwiye gushyirwamo imbaraga kurushaho kuko inzira ikiri ndede.

Yashimiye urugero Abanyarwanda bagezeho bishakamo ibibatunga agira ati “Twishimira ko ibiribwa bitunze Abanyarwanda, ibyinshi bituruka hano mu Rwanda, bike bikava hanze.”

JPEG - 246.1 kb
Leta y’u Rwanda isanga ari ngombwa guhuza ubuhinzi no guharanira imibereho myiza

Yakomeje ahamya ko ari ngombwa ko ubukangurambaga bukorwa umusaruro ukongerwa, cyane cyane 80% batunzwe n’ubuhinzi bakitabira gukorwa ubwa Kijyambere kuko ubwa gihanga bwakorwaga n’abakurambere butagitanga umusaruro uhagije.

Muri iyi nama yahuje abagize inteko Ishinga Amategeko, Minisitiri w’Ubutegetsi bw’Igihugu, Minisitiri w’Ubuhinzi n’ubworozi, impuguke zaturu mu shami rya Loni ryita ku Biribwa n’Ubuhinzi (FOF) n’Abahagarariye Ikigo cy’Igihugu cy’ubwiteganyirize, hagarutswe cyane ku kigero u Rwanda mu kuzamura ubuhinzi n’imibereho y’abaturage.

Ku rwego rw’imibereho myiza y’abaturage, Minisitiri w’ubutegetsi bw’igihugu Francis Kaboneka yashimangiye ko inkunga nyinshi y’abagenerwabikorwa ba gahunda zo kurengera abatishoboye usanga ikoreshwa mu kugura ibyo kurya no kujya mu bikorwa by’ubuhinzi n’ubworozi.

JPEG - 230.8 kb
Abanyarwanda bafasha kongera umusaruro mu buryo butandukanye burimo no gutozwa ubuhinzi bwa kijyambere

Yagarutse kuri gahunda za Leta zitandukanye zafashije u Rwanda Rwanda kugabanya ku buryo bufatika abakiri munsi y’umurongo w’ubukene n’abari mu bukene bukabije zirimo Girinka, VUP n’izindi. Yagize ati “Intambwe twateye twikura mu bukene nayo irashimishije yo kuvana abaturage munsi y’umurongo w’ubukene tuva kuri 58.9% mu mwaka wa 2000/01 tukagera 39.1%(2013/14), no kuva kuri 40%(2000/01 tukagera ku gipimo cya 16.3%(2013/14) ku bukene bukabije.”

Hagarutswe ku bikindindiza iterambere n’imibereho myiza y’Abanyarwanda, harimo imyumvire ikiri hasi.

Iyi nama yateguwe nyuma y’aho bigaragariye ko guhuza ubuhinzi na gahunda yo kurengera abatishoboye byagira uruhare rukomeye mu guhashya inzara n’ubukene bukigaragara mu Rwanda. FAO irashimira aho u Rwanda rugeze ariko ikanarusaba guhozaho kuko hakiri byinshi byo gukora mu guhuza ubuhinzi no guharanira imibereho myiza y’abaturage.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE