2017-07-23 11:30:24 clouds 27o High | Kigali Rwanda

Dukurikire:
 
 

Leta yasabwe guhindura itegeko ry’imishahara fatizo rimaze imyaka 42 ritavugururwa

Yanditswe na IMVAHO NSHYA

Kuya 2016-05-01 10:07:15

 
Share on:
 
Yasuwe:14
 
Yavuzweho:200
 
10
 
10

Sosiyete sivile yahagurukiye gukangurira Leta guhindura iteka rigena imishahara fatizo y’abakozi ikigengwa n’itegeko ryo mu mwaka wa 1974 rikibangamiye uburenganzira bwa bamwe mu bakozi mu Rwanda.

Kuri uyu wa 1 Gicurasi Umunsi wahariwe abakozi, Urugaga rw’amasendika y’abakozi mu Rwanda (CESTRAR) n’Ishyaka rya Gisosiyalisiti rirengera abakozi mu Rwanda (PSR) birasaba ko itegeko rigenga imishaharafatizo y’abakozi rivugururwa nk’uko Guverinoma y’u Rwanda yabyemeje.

Sosiyete sivile irasaba ivugururwa ry’iri tegeko ishingiye ku ngingo ya 76 y’itegeko nomero 13/2009 ryo ku wa 27 Gocurasi rigenga umurimo, no ku byumvikanyweho mu buganiro mpaka byahuje abahagarariye abakozi n’abakoresha bikemazwa n’Inama nkuru y’Umurimo yabaye mu myaka igera kuri irindwi ishize.

Itegeko rigena mushahara fatizo rimaze imyaka 42 riteganya ko impuzandengo ari amafaranga 100 y’u Rwanda ku munsi mu gihe ibiciro ku isoko byahindutse ndetse n’ubukungu bw’igihugu bukaba bwariyongereye mu buryo bufatika. amafaranga yashyizwe ku 100 mu 1980 avuye kuri 60.

Ibi ngo bigira ingaruka zikomeye kuko bamwe mu bakoresha bagena imishahara uko bashatse bitwaje iri tegeko, ndetse n’imishahara ihabwa abenshi mu bakozi ikaba itajyanye n’ibiciro biri ku isoko.

JPEG - 240.2 kb
Umunyamabanga Mukuru wa CESTRAR Manzi Eric

Mu kiganiro n’Abanyamakuru Umunyamabanga Mukuru wa CESTRAR Manzi Eric, yatangaje ko bahangayikishijwe n’uko ibiganiro byabaye ngo iyi mishahara ihindurwe ndetse n’itegeko ribigena rikajyaho ariko habura iteka rya Minisitiri ryemeza ko iyi mishahara igomba kujyana n’uko ubukungu bw’igihugu buhagaze ishyirweho.

Yagize ati “Itegeko rya 2009 ryavugaga ko hagomba kubaho iteka rya Minisitiri rishyiraho imishahara fatizo ikurikije icyiciro by’umurimo. imishaharafatizo ni yo amasendika n’abakozi bashingiraho basaba kurenganurwa mu mishahara, ni wo umukoresha adashobora kujya munsi ariko ubu ni abakoresha bishyiraraho imishahara.”

Yakomeje agira ati “Ibiganiro hagati y’abakozi n’abakoresha byarakozwe; ubu twibaza impamvu Iteka rya Minisitiri ridasohoka... Itegeko rigiye kongera kuvugururwa iki kibazo kitarebweho byaba ari ibibazo.”

Umuyobozi w’Ishyaka PSR, Rucibigango Jean Baptiste mu itangazo yashyize ahagaragara we avuga ko abakozi bakwiye kongererwa umushahara hashingiwe ku musaruro bagaragaje n’uko ibiciro ku isoko byiyongera.

Minisiteri y’Abakozi ba Leta n’Umurimo yo ivuga habanje kunozwa iby’ibanze kugira ngo hatazashyirwaho umushaharafatizo wabera umuzigo abakoresha cyangwa ntihakemuke ikibazo cy’umukozi. Na none kandi ngo umushahara ugomba kujyana n’amategeko n’imiterere y’ubukungu bw’igihugu.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE