Advertisement
 
 
 
 
 
 
 
 

Amakuru | Mu Rwanda

Leta itewe impungenge n’abana b’Abanyarwanda badafite aho banditse   

  Yanditswe na IMVAHO NSHYA
 5 months ago

 
 

Leta y’u Rwanda iri kwiga ku buryo impfubyi n’abandi bana bavuka badafite ababyeyi bazwi bakwandikwa mu irangamimerere kugira ngo babone amahirwe asesuye ahabwa buri wese ufite ubwenegihugu bw’u Rwanda.

Kuva muri 2012, Leta y’u Rwanda yashyizeho gahunda yo kuvana abana mu bigo by’impfubyi n’abandi batagira kivurira bakarererwa mu miryango.

Iyi gahunda yari igamije gutuma abo bana bahabwa uburere buri ku rwego rwa bagenzi babo bafite ababyeyi.

Mu Nama Mpuzamahanga yiga ku kurerera abana mu miryango yateguwe n’Umuryango Uyisenga ni Imanzi, hagaragajwe ko nubwo abana benshi bakiriwe mu miryango, bamwe muri bo batandikishijwe mu irangamimerere.

Ubushakashatsi bwakozwe na Uyisenga ni Imanzi ifatanyije na Centre Rebero de Recherche Et d’Intervention en Sante Mentale – CRRISM, bwagaragaje ko mu karere ka Rubavu umwana umwe kuri babiri atanditswe mu gitabo cy’abana bavutse, naho 40% ntibafite imiryango ibarera.

Mu karere ka Kamonyi ho umwana umwe kuri batatu babona amafunguro bibagoye, naho 42.9 % by’abana bo mu karere ka Rwamagana ntibishyurirwa mituweli.

JPEG - 229.3 kb
Imiryango itandukanye iriga ku buryo abana batagira kivurira bahabwa imiryango bakarerwa kimwe n’abandi

Byagaragaye ko imiryango imwe itandikisha abo bana kubera kubera guteza ko bazateza ibibazo mu gihe cyo gutanga umurage, hari kandi n’abatinya kwiyandikishaho abana barera batarababyaye ngo hato batazabateza ibibazo mu gihe hari inshingano za kibyeyi batujuje.

Hari kandi n’abatinya ko abo bana barera bazaba imbogamizi muri gahunda nka mituweli aho buri muntu wese ugize umuryango asabwa kwishyurirwa.

Umuyobozi w’Inama y’Igihugu y’Abana, Uwera Claudine, avuga ko kubera Jenoside yakorewe Abatutsi, imiryango myinshi yagiye yakira abana mu rwego kubatabara ngo bakure neza, hanyuma bazirwarize, bityo bakumva kubiyandikishaho mu irangamimerere atari ngombwa.

Ati”Duhereye ku mateka y’u Rwanda, benshi bagiye bakurira mu miryango no ku nshuti nziza, icyo gihe nta muntu watekerezaga kujya kwandikisha umwana, n’umwana agakura nta bibazo bishingiye ku mutungo bihari. Kwiyandikishaho umwana utari uwawe ntibyagiye bikunda kugaragara mu Rwanda ahanini bitewe n’impungenge z’umutungo.”

Uwera avuga ko kuba hari abana batandikishijwe bibabuza uburenganzira butandukanye burimo nk’ubwo kugira umurage.

Kwanga kwiyandikishaho umwana utari uwawe ni ukwitesha amahirwe

JPEG - 220.2 kb
Umuryango Uyisenga Ni Imanzi ukomeje kwigisha ababyeyi uko bakwita ku bana babo n’ab’abandi neza

Umuyobozi w’Umuryango Uyisenga Ni Imanzi, Chaste Uwihoreye, yemeza ko imiryango yanga kwiyandikishaho abana batari ababo kubera gutinya ko umurage uzaba muto, iba yihenda kuko umwana ari nk’undi kandi akagira agaciro.

Asanga umwana ari imari iba igomba kunguka, ku buryo kumwiyandikishaho mu irangamimerere nta gihombo na kimwe kiba kirimo.

Ati” Umwana ni umushinga ariko aho atandukaniye n’indi ni uko uretse gushorwamo amafaranga akeneye n’ububyeyi, akeneye urukundo.”

Uwihoreye avuga ko Umuryango Uyisenga Ni Imanzi ukomeje gukora ubukangurambaga ngo yaba ababyeyi bafite abana, babiteho batiganda kandi bagire umutima wo gufata abana bose nk’ababo.

Ibi binashimangirwa n’Inama y’Igihugu y’Abana ivuga ko Leta igiye gukora ibishoboka imiryango ifite abana batari abayo ikamenyekana ikanakangurirwa kubiyandikishaho.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Minisitiri Gen. Kabarebe yakiriye  Ambasaderi w’u Bubiligi mu Rwanda
Minisitiri Gen. Kabarebe yakiriye Ambasaderi w’u Bubiligi mu Rwanda

Ambasaderi w’u Bubiligi mu Rwanda, Arnout Pauwels ari kumwe n’Umujyanama wa Ambasade mu bya gisirikare mu Rwanda, Lt Col Alain Lambert, bakiriwe na Minisitiri w’Ingabo z’u Rwanda, Gen James Kabarebe (...)

Ahabereye ibikorwa by’ubutwari hagiye gushyirwa ibimenyetso
Ahabereye ibikorwa by’ubutwari hagiye gushyirwa ibimenyetso

Minisiteri y’Umuco na Siporo, ivuga ko ahabereye ibikorwa by’ubutwari hagiye gushyirwa ibimenyetso biharanga, kugira ngo amateka y’aho ahabwe agaciro n’Abanyarwanda. Mu kiganiro n’abanyamakuru (...)

Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.