Advertisement
 
 
 
 
 
 
 
 

Amakuru | Mu Rwanda

Leta imaze gutera Umwalimu Sacco inkunga ya miliyari 16   

  Yanditswe na MUGISHA BENIGNE
 5 days ago

 
 

Koperative Umwalimu Sacco yatangaje ko Leta imaze kuyitera inkunga ya miliyari 16 z’amafaranga y’u Rwanda mu myaka 10 imaze ishinzwe, Leta ikaba ari nayo muterankunga w’imena ifite.

Umuyobozi w’Inama y’ubutegetsi ya Koperative Umwalimu Sacco Siborurema Tite, yabitangarije mu muhango w’ihererekanyabubasha hagati y’umuyobozi w’agateganyo Dusabirane Aimable n’Umuyobozi mukuru mushya Umwambaje Laurence.

Yagize ati “Koperative Umwalimu Sacco ifite urufatiro rukomeye n’inkingi zikomeye kuko ishyigikiwe na Perezida wa Repubulika, Leta ikaba imaze kuyitera inkunga ingana na miliyari 16 z’amafaranga y’u Rwanda.”

Yakomoje ku mutungo w’iyi Koperative y’abarimu, aho asobanura ko uturuka mu nkunga za Leta ndetse n’ubwizigame bw’abanyamuryango bayo.

Siborurema avuga koKoperative Umwarimu Sacco igizwe n’abanyamuryango basaga 73 000 barimo abarimu bo mu mashuri abanza n’ayisumbuye ya Leta n’ayigenga, abakozi bakorana bya hafi na Minisiteri y’Uburezi n’Ibigo biyishamikiyeho.

asobanura kandi ko Umwalimu Sacco ari koperative ifite aho ivuye n’aho igeze, ikaba ifite abakozi 270 bahoraho na 38 badahoraho, ikaba imaze gutanga inguzanyo zingana na miliyari 120 ku banyamuryango bayo.



Iyi Koperative yashinzwe mu 2006, ikemerwa na Banki Nkuru y’Igihugu (BNR) mu 2008, ihabwa icyemezo cya Koperative n’Ikigo cy’igihugu gishinzwe guteza imbere amakoperative (RCA) mu 2010, yatangiye gukorana umunsi ku wundi na Koperative Umurenge Sacco 315 muri 416, nk’uko bisobanurwa n’uwari umuyobozi mukuru w’agateganyo Dusabirane Aimable, nyuma yo gusinyana amasezerano y’imikoranire.

Yagize ati “Kugeze ubu abanyamuryango babasha guhabwa serivisi bifuza ku mirenge Sacco ibegereye nk’uko bari basanzwe bazihabwa, ibyo bikarinda gukora urugendo bajya gushaka Sacco ku rwego rw’uturere, dore ko ari 30 gusa zingana n’umubare w’uturere twose tw’igihugu.

Muri uwo muhango w’ihererekanyabubasha wayobowe na Minisitiri w’uburezi Dr Musafiri Papias Malimba, Dusabirane yagarutse ku byifuzo by’abanyamuryango b’Umwalimu Sacco byo kubasabira guhura na Perezida wa Repubulika mu rwego rwo kumushimira intera Koperative yabashingiye imaze kubagezaho mu buryo bw’iterambere.

Dr Musafiri kandi yagiriye inama abayobozi ba Koperative Umwalimu Sacco yo kutirara kuko imbogamizi zigihari, ahubwo hakabaho ubufatanye mu nzego zose z’ubuyobozi bw’iyi Koperative bagamije gukorera hamwe nk’ikipe no gushaka icyayiteza imbere.

Yagize ati “Ubufatanye ntibuvuze kwivanga mu nshingano z’abandi, ahubwo ni ubufatanye bugamije iterambere, muri ubwo bufatanye buri rwego rugomba kumenya aho rugarukira.”

Minisitiri w’uburezi yagarutse kuri izi nzego nshya zagiyeho nyuma y’uko hakuweho ubuyobozi bwari busanzweho kuko hari ibyo bwanenzwe biturutse ku bintu bitabaye byiza mu mikorere, bikaza kugaragaramo amakimbirane.
Iyi koperative yorohereza abanyamuryango bayo kubona inguzanyo zishyurwa ku nyungu nto ya 11% ugereranyije n’ibindi bigo by’imari iciriritse.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.