Advertisement
 
 
 
 
 
 
 
 

Amakuru | Mu Rwanda

Leta ibashije guha akazi 3% muri miliyoni 5 bashoboye gukora   

  Yanditswe na NTAWITONDA JEAN CLAUDE
 5 months ago

 
 

Minisitiri w’Intebe Anasatase Murekezi, yashishikarije urubyiruko rw’u Rwanda gufata iya mbere mu kwihangira imirimo aho gutegereza izava muri Leta kuko abakeneye imirimo bose atariko bayibona u bushobozi Leta ifite

Guverinoma y’u Rwanda yashishikarije urubyiruko guharanira guhanga imirimo mu gihe ubushakashatsi bwagaragaje ko mu Banyarwanda 5,479,000 bafite imbaraga zo gukora, Leta ifite ubushobozi bwo guha akazi 3%.

Mu muhango wo gutanga impamyabumenyi no guhemba abakoze neza mu mahugurwa kuri gahunda ya NEP KoraWigire kuri uyu wa gatanu tariki 18 Ugushyingo, Minisitiri w’Intebe yagize ati “97% basigaye bagomba gushaka imirimo mu bikorera no kwihangira imirimo.”

Yakomeje asaba urubyiruko kumva neza impamvu Leta y’u Rwanda yashyizeho iyi gahunda ya Korawigire imaze gufasha benshi nk’uko byagaragajwe n’abo yafashijwe muri uyu muhango.

Iyi gahunda ni imwe mu zatangijwe na guverinoma y’u Rwanda mu mwaka 2014 igamije guhanga buri mwaka imirimo mishya itari iy’ubuhinzi n’ubworozi ibihumbi 200.

Bivugwa ko kuva yatangira imaze gufasha abaturage 80,672 biganjemo abagore n’urubyiruko, kubona imirimo itandukanye.

Leta ibona iyi mirimo idahagije ugereranyije n’abakiyikeneye, bityo hafashwe umwanzuro ko mu 2018, ku bazarangiza amashyuri y’imyaka icyenda y’ibanze, abangana na 60% bazaba biga amashuri y’imyuga.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.