Advertisement
 
 
 
 
 
 
 
 

Amakuru | Mu Rwanda

Dr. Leon Mugesera yahanishijwe gufungwa burundu   

  Yanditswe na NTAWITONDA JEAN CLAUDE
 April 2016

 
 

Urukiko Rukuru rwakatiye Dr Léon Mugesera ukekwaho ibyaha bya Jenoside n’ibindi byibasiye inyokomuntu gufungwa burundu kuri uyu wa 15 Mata 2016, akaba yasonewe igifungo cya burundu y’umwihariko kuko atayemerewe nk’umwe mu boherejwe n’ubutabera bwa Canada.

Yahamijwe kuba icyitso cy’abakoze Jenoside, gutoteza Abatutsi n’ibyaha byibasiriye inyokomuntu, kubiba urwango rushingiye ku moko. Ibyaha bye bishamikiye ku ijambo yavugiye ku Kabaya mu mwaka wa 1992, rivugwaho gushishikariza Abahutu kurimbura Abatutsi.

Dr. Mugesera yahise asaba kujurira ako kanya avuga ko imikirize y’urubanza ibangamiye uburenganzira bwe bwo kugira urubanza ruboneye ndetse n’urukiko rwamuburanishije rutigenga kandi rubogamye.

Yongeyeho ko nta mutangabuhamya we n’umwe wumviswe ariko hakumvwa ab’ubushinjacyaha gusa, ndetse ngo ntiyaburaniye imbere y’urukiko rutabogamye kandi rwigenga.

Nubwo atemera abatangabuhamya bwo ku ruhande rw’ubushinjacyaha, Urukiko Rukuru rwahamije ko batanze ubuhamya bujyanye neza n’ikiburanwa nubwo batavugaga neza amagambo nk’uko yumvikana mu ijambo Dr. Mugesera ashinjwa ko yavugiye ku Kabaya tariki 22 Ugushyingo1992.

Urukiko rwamuhanaguyeho icyaha cyo gucura no gutegura umugambi wa Jenoside nyuma y’aho bigaragaye ko nta kimenyetso na kimwe kigaragaza ubwumvikane bwihariye yagiranye n’abacuze umugambi wa Jenoside, anahanagurwaho icyaha cyo gutanga amabwiriza yo gukora Jenoside no gutanga imbunda na bwo bigaragaye ko nta kimenyetso kibigaragaza.

Ku mugoroba wo ku wa 24 Mutarama 2012 ahagana saa tanu n’igice z’ijoro ni bwo Dr. Leon Mugesera yakandagiye ku butaka bw’u Rwanda nyuma y’aho Urukiko Rukuru rwa Canada rwafashe umwanzuro wo kumwohereza akaza kuburanishirizwa mu Rwanda.

Urubanza rwe rwatangiye mu 2013 rugenda rusubikwa ahanini bitewe n’amananiza y’uregwa nk’uko ubushinjacyaha bwabisobanuraga.

Dr. Mugesera yoherejwe mu Rwanda n’ubutabera bwa Canada akurikiranyweho ibyaha bya Jenoside yakorewe Abatutsi, kubera kubera ijambo yavugiye ku Kabaya mu 1992, ijambo ubushinjacyaha bwita rutwitsi, ariko Mugesera akavuga ko rigorekwa.

JPEG - 246.9 kb
Dr Leon Mugesera nyuma yo gusomerwa imyanzuro y’urukiko kuri uyu wa gatanu
 

Comments

 
 
Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

U Rwanda na Ecosse byiyemeje ubufatanye mu kurwanya ihohoterwa rishingiye ku gitsina
U Rwanda na Ecosse byiyemeje ubufatanye mu kurwanya ihohoterwa rishingiye ku gitsina

Abapolisi babiri bo ku rwego rwa Ofisiye bakuru bo mu gihugu cya Ecosse bari kumwe na Ambasaderi w’u Bwongereza mu Rwanda, William Gelling, ku wa mbere tariki ya 6 Gashyantare basuye Polisi y’u (...)

Kicukiro: Barashimira uwaberegereje isomero mu mudugudu
Kicukiro: Barashimira uwaberegereje isomero mu mudugudu

Abaturage bo mu mudugudu wa Rugari, akagari ka Gatenga, umurenge wa Gatenga mu karere ka Kicukiro, barashimira umufatanyabikorwa Mudacumura Fiston waberegeje isomero mu mudugudu wabo. Ubwo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.