Advertisement
 
 
 
 
 
 
 
 

Amakuru | Mu Rwanda

Kwita Izina 2016: Ingagi imwe izitwa izina n’umunyacyubahiro wo mu Bwongereza   

  Yanditswe na IMVAHO NSHYA
 4 months ago

 
 

Umunyamakuru w’icyamamare ndetse akaba n’impirimbanyi yo kubungabunga ibidukikije, Sir David Attenborough ari mu bazita abana b’ingagi amazina mu muhango wo ‘Kwita Izina” w’uyu mwaka.

Sir Attenborough, ari mu Bongereza 200 bakomeye mu bihe byose, yahawe imidali umunani, yahoze ari umuyobozi mukuru muri BBC. Igihugu cye kimufata nk’umutungo ukomeye nubwo we adakunda kubibwirwa.

Ejo hashize yahaye izina umwe mu bana b’ingagi mu gikorwa gitegura Kwita Izina kuri Ambasade y’u Rwanda mu Bwongereza.

JPEG - 67.8 kb
Sir Attenborough yakiriwe n’ambasaderi w’u Rwanda mu Bwongereza, Yamina Karitanyi

Amashusho y’uwo munyacyubahiro yita izina ndetse n’izina yise ubwaryo bizatangazwa mu birori byo Kwita Izina ku ya 2 Nzeli 2016.

Mu kiganiro n’abatumirwa ku kubungabunga inyamaswa n’ibidukikije mu Rwanda, yagarutse ku bwo yahuraga n’ingagi mu birunga mu1978.

Attenborough yagize ati” Iyaba twahuzaga imbaraga tugakemura ikibazo gikomeye cyo gusubizaho ibyo ikiremwamuntu cyambuye Isi kubera iterambere, Isi yarushaho kuba nziza.”

Yongeyeho ati ” Nta cyiza kiruta guhura n’ingagi nini, uburyo isa n’umuntu biratangaje. Iyo uyirebye, witonze ngo mudahuza amaso, uhinduka muto ugatangira kwishimira inzira itangaje ubuzima bwanyuzemo.”

JPEG - 98 kb
Attenborough asanga ingagi ari ikiremwa gitangaje

Ubwo yari mu Rwanda mu 1978 yahuye na Dian Fosse, Umunyamerikakazi wabungabungaga ingagi mu Birunga. Yamugejejeho akababaro k’uko izo nyamaswa zikomeje kwibasirwa na ba rushimusi, zikaba zigiye kuzima burundu.

Asubiye mu Bwongereza, Attenborough yahuye n’umuryango Fauna&Flora International (FFI) n’ubu akiyoboye nka visi-perezida, banzura gushyiraho gahunda mpuzamahanga yo kubungabunga ingagi (IGCP).



Ingagi ni inyamaswa y’agaciro gakomeye mu Rwanda. Ikigo cy’Igihugu cy’Iterambere, kivuga ko ubukerarugendo ari bwo bwinjiza amadevize menshi mu gihugu. Mu 2015 bwinjije miliyoni 318 z’amadorali, muri yo 60% byinjijwe n’abasura ingagi.

Ushinzwe ubukerarugendo muri RDB, Belize Kariza, avuga ko ku ya 2 Nzeli u Rwanda ruzita amazina ingagi 22 mu muhango uzaba ubaye ku nshuro ya 12. Muri uwo muhango kandi hazabaho ibiganiro ku kubungabunga inyamaswa ziri mu marembera n’ibidukikije muri rusange.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.