Advertisement
 
 
 
 
 
 
 
 

Amakuru | Mu Rwanda

Kugira intego y’ubuzima bitangira kare- Jeannette Kagame   

  Yanditswe na MUGABO LAMBERT
 4 months ago

 
 

Madamu Jeannette Kagame yabwiye abana b’Abanyarwanda ko kugira intego y’ubuzima bitangira kare, maze asaba ababyeyi guha agaciro gahunda zishyigikira ubuzima bw’abana mu rwego rwo kubaka umuryango ubereye abana.

Ubwo yitabiraga umuganda rusange wabereye mu karere ka Rulindo ku kigo cy’amashuri cya Shyorongi, ku wa 29 Ukwakira 2016 wafatanyijwe no gutangiza umwaka wa gatatu wa gahunda ya “NiNyampinga” Madamu Jeannette Kagame yabwiye abana b’abahungu n’abakobwa ko intego y’ubuzima itangira kare.

Yagize ati “Bana bacu, bakobwa bacu, bahungu bacu, kugira intego y’ubuzima bitangira kare […] Ababyeyi banyu, twifuza ko mwazavamo abana bafite icyerekezo, mukazavamo ababyeyi n’abayobozi bazima b’iki gihugu.

JPEG - 241.3 kb
Madamu Jeannette Kagame ageza ijambo ku bitabiriye umuganda, aho yasabye ababyeyi gushyikira NiNyampinga

Jeannette Kagame yasabye ababyeyi kubaka umuryango ubereye abana, ati “Babyeyi, namwe mwese muteraniye hano, mukomeze gushyigikira gahunda ya NiNyampinga, dukomeze kubaka umuryango ubereye abana.”

Yavuze ko hakenewe kureba uko n’abana b’abahungu bagenerwa iyi gahunda, maze abana bose bagakura bafite intego n’imyumvire isobanutse. Kuri bimwe mu byagezweho, ubu ngo hari ahantu 490 hateranira aba bana b’abakobwa buri mpera z’icyumweru.

Yavuze ko mu myaka ibiri ishize abakobwa 52,000 bigiye muri “NiNyampinga” byinshi ku buzima, kubana n’abandi no kwiteza imbere mu bukungu.

Abangana na 63% bayobotse umuco wo kuzigama, naho 21 % bafunguje za konti, mu gihe 61% bafite ibikorwa bito bibazanira inyungu. Mu mwaka ushize, abana 80% bitabiriye iyi gahunda bakoze akarima k’igikoni, bajya inama n’imiryango yabo ku mirire myiza. Kandi, abakobwa b’imyaka 18-25 bagera ku 1,603 bahuguriwe kuba ba “Mentors”, bakigisha abana mu gihe cy’amezi 10.

Jeannette Kagame akaba yarashimiye abafatanyabikorwa bafasha mu gushyiraho gahunda y’ubumenyi bugenerwa abana. Ati “Iyi gahunda igenewe abana b’abakobwa bafite imyaka 10 kugeza kuri 12, ibyo imaze kugeza ku bana n’ababyeyi birivugira”.

Madamu Jeannette Kagame kandi yashimiye abitabiriye uyu muganda waranzwe no gutera ibiti no gutunganya ahazajya ubusitani bw’ishuri rya Shyorongi buzabafasha kwigira ahantu hari umwuka mwiza.

“Ni Nyampinga” ni umuryango wa mbere abakobwa bakiri abangavu bisangamo mu Rwanda. Aba bana bagira amatsinda bahuriramo, bakaganira, bagakina, bagasabana, bakungurana ibitekerezo n’ubumenyi.

 

Comments

 
 
Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

U Buyapani bwahaye UNICEF Rwanda amadolari 636 000  yo kwita ku bana b’Abarundi
U Buyapani bwahaye UNICEF Rwanda amadolari 636 000 yo kwita ku bana b’Abarundi

Guverinoma y’u Buyapani yahaye UNICEF Rwanda amadolari ya Amerika 636 000 yo gufasha abana b’impunzi z’Abarundi bari mu Rwanda mu nkambi ya Mahama kugira ngo bafashwe mu myigire n’ubuzima rusange. (...)

REB ikomeje kuvumbura amakosa mu micungire y’abarimu hirya no hino mu gihugu
REB ikomeje kuvumbura amakosa mu micungire y’abarimu hirya no hino mu gihugu

Ubuyobozi bw’Ikigo cy’Igihugu gishinzwe Uburezi, buratangaza ko bukomeje kubona amakosa mu micungire y’abarimu mu turere dutandukanye tw’u Rwanda. Ni nyuma y’uko mu karere ka Nyagatare hagaragaye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.