Advertisement
 
 
 
 
 
 
 
 

Amakuru | Mu Rwanda

Koreya y’Epfo yashimiwe gufasha Abanyarwanda kwishakamo ibisubizo   

  Yanditswe na MUTUNGIREHE SAMUEL
 5 months ago

 
 

Guverinoma y’u Rwanda irashimira Leta ya Korea ku bufasha yatangiye guha Abanyarwanda bwo kubahugura inzira zinyuranye zo kwihshakamo ibisuzizo birandura ubukene n’imirire mibi, ari na ko zingera ubukungu bwabo.

Minisiteri y’Ubutegetsi bw’Igihugu yagaragaje ko ishyigikiye Umushinga “Saemaul” Leta ya Koreya y’Epfo imaze imyaka itanu igeragereza mu mu tugari twa Gasharu na Raro mu karere ka Nyamagabe na Kamonyi.

Uyu mushinga “Saemaul cyangwa Saema’eul” watangiijwe tariki 22 Mata 1970 na Perezida Park Chung-hee muri gahunda yo kuzamura ubukungu bw’igihugu, kandi kuva icyo gihe abaturage bacyo babonye amahirwe yo guhuza imbaraga mu guharanira iterambere rirambye.

Umushinga “Saemaul Movement”, bisobanuye “Gahunda y’Umudugudu Mushya’
ushingiye ku muco w’Abanyakoreya umaze imyaka irenga 50 wo gukangurira abaturage kwishakamo ibisubizo biganisha ku bufatanye mu iterambere ry’abashyize hamwe.

Umunyamabanga wa Leta muri Minisiteri y’Ubutegetsi bw’Igihugu ushinzwe iterambere ry’abaturage, Munyeshyaka Vincent, yatangaje ko uyu mushinga ugiye gukwizwa mu turere tw’u Rwanda kugira ngo ufashe Abanyarwanda gukomeza kwishakamo ibisubizo.

Umunyamabanga wa Leta muri MINALOC, Munyeshyaka Vincent (uwa kabiri mu bicaye uturutse i buryo) ari kumwe n'abafatanyabikorwa n'abagenerwabikorwa b'umushinga wa Saemaul Movement (Foto Curio J)

Mu tugari watangiriyemo wafashije abaturage kubyaza umusaruro ubuhinzi bw’umuceri n’ibihumbyo, ubworozi, kwigisha abaturage kuzigama ndetse no gukorana n’ibigo by’imari; no ku bikorwa byo kubaka ibikorwaremezo cyane ibyumba by’amashuri, inzu mberabyombi z’abaturage mu mudugudu bahuriramo bakareba televiziyo bagakora n’inama.

Munyeshyaka yabitangaje ku wa kabiri tariki ya 8 Ugushyingo ubwo abafatanyabikorwa bo muri Koreya y’Epfo basozaga uyu mushinga umaze imyaka itanu ugeragerezwa mu Rwanda.

Munyeshyaka yavuze ko hashingiwe kuri gahunda zitandukanye Leta ifite zo kugabanya ubukene mu baturage binyuze mu iterambere ry’ibyaro, hari byinshi bashobora gukora muri uwo mushinga ku buryo byakunganira Leta kwihutisha iterambere nk’uko byagendekeye abaturage bakoreweho igeragezwa.

Ati “Batangiye bagerageza bagira ngo barebe ko byakora, ariko ibyo twaganiriye ni ukwibaza ngo ‘ese ko twavuye mu igeragezwa noneho twakora gute ku buryo tujya mu turere twinshi no mu mirenge myinshi?’ Kuko kugira ngo uzane impinduka mu baturage no ku rwego rw’akarere bisaba ko ukorana n’abaturage benshi, bakayigiramo uruhare.”

Murekatete Annonciatte utuye mu Murenge wa Rugarika mu Karere ka Kamonyi yabwiye Imvaho Nshya ko ubuzima bwe bwahindutse binyuze mu mishinga yisunze na bagenzi be bimwongerera ubumenyi mu mahugurwa yakuye muri Koreya.

Ati “Wangejeje kuri byinshi ukimara kutugeraho, kuko twari twigunze birangira batwigishije uburyo tugomba kwishyira hamwe tugatera imbere. Batuzaniye umushinga w’ibihumyo ndabikunda, ndabikora cyane ku buryo Abanyakoreya bazaga bagasanga njyewe narakomeje gukora muri koperative bari badushyizemo.”

Mugenzi we yavuze ko abatarabashije kujya muri uwo mushinga abarusha kuba yarahawe amahugurwa menshi akaba afite ubumenyi bwo gukora imishinga iteza imbere umuturage uciriritse akiteza imbere.

 

Comments

 
 
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Gasabo: Polisi yataye muri yombi agatsiko k’abajura
Gasabo: Polisi yataye muri yombi agatsiko k’abajura

Abantu bane bafungiye kuri sitasiyo ya Polisi ya Rusororo mu karere ka Gasabo bakurikiranweho ubufatanyacyaha mu bujura ndetse n’ubujura nyir’izina. Abo ni Muhoza Evariste w’imyaka 29 y’amavuko (...)

Imitwe ya politiki yabonye umuvugizi mushya
Imitwe ya politiki yabonye umuvugizi mushya

Abagize Ihuriro ry’igihugu nyunguranabitekerezo ry’imitwe ya politiki yemewe mu Rwanda (NFPO) batoye Mukakarangwa Clotilde uturuka mu Ishyaka Riharanira Demokarasi Ihuza Abanyarwanda (PDC), (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.