Advertisement
 
 
 
 
 
 
 
 

Amakuru | Mu Rwanda

Koherereza ubutabera bw’u Rwanda Dr. Munyakazi ni intambwe ikomeye– CNLG   

  Yanditswe na TWAGIRA WILSON
 3 months ago

 
 

Ubuyobozi bwa Komisiyo y’igihugu ishinzwe kurwanya Jenoside (CNLG) yashimiye uburyo Leta Zunze Ubumwe za Amerika zagaragaje ‘urugero rwiza rw’ubutabera’ mu cyemezo cyo kohereza Dr Leopold Munyakazi akaza kuburanishiriza mu Rwanda ku byaha bya Jenoside yakoreye ahitwa Kayenzi.

Mu itangazo CNLG ahagaragara yashimye iyi ntambwe y’ubutabera busesuye inakangurira ibindi bihugu cyane cyane u Buholandi gukurikiza urwo rugero isanga rwafasha mu guca umuco wo kudahana.

CNLG ivuga ko kuba USA zarahaye agaciro inyandiko y’u Rwanda igaragaza uruhare rwa Munyakazi Léopold muri Jenoside yakorewe Abatutsi ndetse no kuyihakana, zikanemera ubusabe bwo kumwohereza mu Rwanda ari intambwe ikomeye ku butabera ibindi bihugu nabyo byagombye kureberaho.

JPEG - 263.4 kb
Dr. Munayakazi Leopold yari amaze igihe kinini aburanira guhabwa ubuhungiro, ariko Amerika yasanze agomba gukurikiranwa ku byaha ashinjwa

Rivuga ko iyoherezwa mu Rwanda ry’abakekwaho ibyaha bya Jenoside, ryerekana intambwe ikomeye ubutabera bw’u Rwanda bumaze gutera mu kubahiriza uburenganzira bw’ukekwaho icyaha butabogama, ndetse n’ubundi bujyanye no kwiregura.

Umunyamabanga Nshingwabikorwa wa CNLG Dr Bizimana Jean Damascene yagize ati “Iyoherezwa rya Leopold munyakazi ni amahirwe, yakabaye yibutsa bimwe mu bihugu nk’u Buholandi gukurikiza uru rugero rwiza, bagafata icyemezo cyo gukurikirana vuba abacyekwaho uruhare muri Jenoside nka Mugimba Jean Baptiste na Iyamuremye Jean Claude.”

Yakomeje agira ati “Dore nk’ubu iyoherezwa ryabo ryari ryemejwe n’urukiko rwubujurire mu Buholandi muri Nyakanga 2016, ariko ishyirwa mubikorwa ry’icyo cyemezo ridindizwa n’abantu ku giti cyabo hamwe nimiryango”

Mugimba ashinjwa gutegura no kugira uruhare mu iyicwa ry’Abatutsi benshi mu duce twa Nyamirambo na Nyarugenge, muri za Segiteri za Nyakabanda, Kimisigara, Biryogo ndetse n’ahandi mu mujyi Kigali. Yafashwe tariki 23 Mutarama 2014 hakurikijwe impapuro zo gutabwa muri yombi zatanzwe n’u Rwanda tariki ya 22 Ugushyingo 2012.

Iyakaremye uzwi ku izina rya Nzinga, nawe yafashwe na Polisi y’u Buholandi kuva tariki 9 Nyakanga 2013 akurikiranyweho kuba yarayoboye Interahamwe mu iyicwa ry’Abatutsi barenga 2000 bari bahungiye muri Kicukiro (ETO).

CNLG ishimangira ko ubutabera butabogama n’iyubahirizwa ry’uburenganzira bw’aboherejwe n’ibindi bihugu byubahirizwa ku buryo nta mpamvu n’abandi batakoherezwa.

Dr. Bizimana ahamya ko ababa mu mahanga babeshya ko bakurikiranywe kubera impamvu za politiki cyangwa se ubwoko bwabo ari amatakirangoyi n’ikinyoma bigamije kuyobya ubutabera kugira ngo ibihugu barimo bireke gukurikirana uruhare rwabo muri Jenoside.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abana icyenda bigiye muri gereza bakoze ibizamini bya Leta batsinda neza
Abana icyenda bigiye muri gereza bakoze ibizamini bya Leta batsinda neza

Urwego rw’igihugu rushinzwe imfungwa n’abagororwa (RCS) rurishimira ko ku nshuro ya mbere abana bafungiye muri gereza y’abana ya Nyagatare bakoze ibizamini bya Leta bisoza amashuri abanza n’icyiciro (...)

Kicukiro: Umunyeshuri yafatanwe kashe 39 z’impimbano
Kicukiro: Umunyeshuri yafatanwe kashe 39 z’impimbano

Polisi y’u Rwanda ikorera mu karere ka Kicukiro yafatanywe kashe 39 zitandukanye umunyeshuri witwa Tuyishime Bernard wiga ibijyanye no gukora amazi mu Ishuri ry’Ubumenyingiro IPRC-Kicukiro. Izi (...)

Bamwe mu babyeyi bagaragaje ibanga ryatuma abana batsinda ibizamini bya Leta
Bamwe mu babyeyi bagaragaje ibanga ryatuma abana batsinda ibizamini bya Leta

Ku wa mbere ushize nibwo ikigo cy’igihugu cy’uburezi REB, cyamuritse amanota y’ibizamini bya Leta by’amashuri abanza ndetse n’icyiciro cya mbere cy’ayisumbuye. Abanyeshuri bakoze ibizami bisoza (...)

Ni igihe cyo gukira ibikomere Abanyarwanda bakiyubakira igihugu – Dr Ndushabandi
Ni igihe cyo gukira ibikomere Abanyarwanda bakiyubakira igihugu – Dr Ndushabandi

Dr Ndushabandi Eric, umuyobozi w’ikigo cy’ubushakashatsi n’ubusabane bigamije amahoro IRDP asanga iki ari cyo gihe nyuma y’amateka ya Jenoside yakorewe Abatutsi 1994 na nyuma y’intambwe Abanyarwanda (...)

Polisi y’u Rwanda n’iy’Ubutaliyani basinyanye amasezerano y’ubufatanye
Polisi y’u Rwanda n’iy’Ubutaliyani basinyanye amasezerano y’ubufatanye

Ku itariki ya 12 Mutarama, i Roma mu murwa mukuru w’igihugu cy’Ubutaliyani, habereye umuhango wo gushyira umukono ku masezerano y’ubufatanye hagati ya Polisi y’u Rwanda n’iy’Ubutaliyani, amasezerano (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.