Advertisement
 
 
 
 
 
 
 
 

Amakuru | Mu Rwanda

Kirehe: Abahagarariye FPR Inkotanyi mu tugari 60 bahawe telefoni   

  Yanditswe na MANISHIMWE NOËL
 1 month ago

 
 

Abahagarariye Umuryango FPR Inkotanyi mu tugari 60 tugize akarere ka Kirehe bahawe telefoni zikoresha itumanaho ritishyurwa, bishimira ko zigiye kubafasha kunoza inshingano zabo.

Abazihawe bemeza mu mpera z’icyumweru gishize ko zizabafasha gutangira amakuru ku gihe no kumenya ku buryo bwihutse amakuru y’umuryango umunsi ku munsi.

Muzungu Gerard, Uhagarariye FPR Inkotanyi mu karere ka Kirehe, ayavuze ko izi telefoni zitezweho gufasha abahagarariye umuryango mu tugari kuzuza inshinganzo zabo mu buryo bunoze.

Umwe mmu bahagarariye FPR Inkotanyi mu kagari (ubanza iburyo), ashyikirizwa telefoni


Agira ati “Twurashaka ko habaho ubufatanye, kwihutisha ibikorwa kandi hatabayeho uvunisha mugenzi we. Bagiye bagaragaza imbogamizi kenshi ariko ubu twiyezeye ko izi telefoni zizafasha abo mu tugari gutangira amakuru ku gihe, kumenya vuba ibikorwa bigezweho no kubigeza ku banyamurwango ku buryo bworoshye.”

Yakomeje ahamya ko ubufatanye no gukorera ku ntego y’iterambere, ry’ibiteganywa muri Manifesto ya FPR Inkotanyi mu myaka 7 iri imbere bizagerwaho.

Abahawe telefoni babwiye Imvaho Nshya ko baruhutse amafaranga batakazaga mu guhamagaza telefoni zisanzwe, ingendo bakoraga bajyanye ubutumwa, n’umwanya byabatwaraga.

Nduwayezu Jean Bosco wo mu kagari ka Rugoma, mu murenge wa Nasho, yagize ati “Kuvugana n’abayobozi ku rwego rw’imirenge n’abayobozi mu nzego bwite za Leta byadutwaraga amafaranga menshi cyane, tukikora ku mifuka yacu, ariko ubu kuba izi telefoni duhawe zifite kodi ku buryo tuzajya tuvugana n’abo tuyoborana mu nzego zo hasi nta mafaranga agenda bizadufasha cyane. Bizatworohera gukora ibintu ku gihe, gutanga amakuru, tuzanaruhuka ingendo twakoraga n’amaguru.”

Bagaragaza Gerard wo mu kagari Rugarama, umurenge wa Kigina na we ati “Hari ubutumwa bwaturukaga ku karere kubugeza mu midugudu bikangora. Ariko ubu ubwo bampaye telefoni ifite Code, kuvugana n’abayobozi b’imidugudu bizanyorohera kandi n’abo ku murenge bizanyorohera kubabaza amakuru yaturutse ku karere.”

Depite Mujawamariya Berthe wari witabiriye iyi nteko rusange yashimiye abanyamuryango ba FPR Inkotanyi mu karere ka Kirehe batekereje guha abahagarariye umuryango mu tugari uburyo bw’itumanaho kuko bizoroshya imikoranire.

Mu nama y’inteko rusange y’umuryango wa FPR Inkotanyi mu karere ka Kirehe, higiwe hamwe ibikorwa bizajya muri Manifesto ya 2017/2024, byibanze ku kwegereza abaturage serivisei mu midugudu n’utugari, no kongerera ubushobozi izi nzego, kongera imbaraga mu buhinzi n’ubworozi.

Hari kandi gukaza ingamba z’umutekano, gusobanurira abaturage amategeko, kubaka kaminuza yigisha iby’ubuvuzi, gushyira imbaraga mu bukerarugendo, kunoza serivisi zo gufasha abatishoboye, kurandura imirire mibi, kwimakaza gahunda ya Ndi umunyarwanda, kwegereza baturage ubuvuzi n’uburezi mu tugari n’imidugudu no gushimangira gahunda ya He For She, igamije gushyigikira abagore, na byo bizibandwaho.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.