Advertisement
 
 
 
 
 
 
 
 

Amakuru | Mu Rwanda

Kigali: Yakabije inzozi akura urubyiruko 210 mu bwigunge   

  Yanditswe na IMVAHO NSHYA
 4 months ago

 
 

Mizero Iréné w’imyaka 30 y’amavuko ukomoka mu karere ka Ngororero yishimira intambwe amaze kugeraho mu gufasha urubyiruko rwo mu mujyi wa Kigali kuva mu bwigunge, rurimo n’urwari rwarabaswe n’ibiyobyabwenge rukongera kuba ruzima.

Mizero ni Umuyobozi w’Umuryango Mizero Care Foundation/ MCF, ari na wo wagize uruhare rukomeye mu gufasha urubyiruko 210 rwo mu mujyi wa Kigali kuva mu bwigunge kuva mu mwaka wa 2013 aho uyu muryango washinzwe.

Mu kiganiro na Imvaho Nshya, Mizero yasobanuye byinshi kuri uyu muryango yashinze afatanyije n’abanyamuryango umunani none ukaba waratangiye kugaragaza umusaruro mu guhindura imibereho y’urubyiruko.

Mizero Iréné yashinze umuryango wita ku rubyiruko none yatangiye kubona umusaruro


Mu buzima bwe ngo yakuze yumva ikimunezeza ari ukubana n’urungano rufite amagara mazima, kuri we akaba abona ntaho baragera mu gihe atarabona urubyiruko bagenda bafasha rurimo guhindura ubuzima bw’imiryango yabo rukanakorera igihugu.

Na none kandi Mizero afite intumbero yo gushinga ibitaro byihariye ku gutanga ubuvuzi bw’imitekerereze n’ibyiyumviro bya muntu.

Asobanura uko bafashije uru rubyiruko rwiganjemo urwibana n’urundi rutahawe uburere bwiza rukabona amizero y’ahazaza, yagize ati “Twarufashije mu biganiro by’ubuvuzi bw’imitekerereze n’ibyiyumviro bya muntu (psychotherapy). Twarufashije kandi kwishyura ubwisungane mu kwivuza, ubujyanama ku buzima bw’imyororokere, ubujyanama butangwa hifashijwe telefoni, ibiganiro ku kurwanya SIDA n’ikoreshwa ry’ibiyobyabwenge.”

JPEG - 142.9 kb
Urubyiruko rwakize rufashwa no mu bikorwa byo kwizihiza amasabukuru y’amavuko

Yakomeje agira ati “Mu burezi twarihiye urubyiruko rutandukanye amashuri y’imyuga, turateganya kurufasha kugera mu mashuri yisumbuye n’amakuru. Mu bukungu twahaye umugenerwabikorwa igishoro mu mushinga uciriritse, turateganya gutera inkunga Koperative igizwe n’abandi bagenerwabikorwa.”

Rumwe mu rubyiruko rwafashijwe n’uyu muryango rwashimiye abatekereje kuwushinga kuko babafashije kongera kubona ko ubuzima bugirwa bwiza no kubutegura neza.

Ubuyobozi bw’Umuryango Mizero Care burahamya ko buzakomeza gufatanya n’inzego za Leta mu guhangana n’ikoreshwa ry’ibiyobyabwenge cyane cyane mu rubyiruko.

JPEG - 284.4 kb
Uyu muryango ugira uruhare rukomeye no mu gutanga ubufasha mu burezi


 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.