2017-05-24 10:43:15 clouds 27o High | Kigali Rwanda

Dukurikire:
 
 

Kigali: Yafatanywe toni y’ibikoresho by’amashanyarazi acika polisi

Yanditswe na Claude Ntawitonda

Kuya 2016-11-08 18:04:44

 
Share on:
 
Yasuwe:0
 
Yavuzweho:200
 
10
 
10

Mugisha Jean Pierre utuye mu kagari ka Rwampala, Umurenge wa Nyarugenge Akarere ka Nyarugenge yaguwe gitumo afite toni n’ibilo 115 by’insinga n’ibindi bikoresho by’amashyarazi, hamwe n’ibilo 194 by’ibikoresho b’amazi yaguraga n’ababyibye bamaze guca imiyoboro yabyo.

Kuri uyu wa Kabiri ubuyobozi bw’umurenge hamwe na Polisi bamusanze iwe, bakimara kumufata abaca mu rihumye aracika, ariko ngo Polisi iracyamushakisha. Bivugwa ko ibikoresho byasanzwe mu nzu bifite agaciro ka miliyoni zirenga umunani z’amafaranga y’u Rwanda.

JPEG - 108.6 kb
Isinga z’amashanyarazi zipima toni irenga n’ibikoresho by’amazi byaasanzwe bipakiye mu mifuka

Amakuru kuri Mugisha yamenyekanye ubwo abaturage batangaga amakuru ku muyoboro w’amashanyarazi ugaburira utugari tw’umurenge wa Nyarugenge wibwemo insinga, bakaba babuze umuriro.

Umuyobozi w’umurenge wa Nyarugenge Havuguziga Charles yabwiye Imvaho Nshya ko bakimara guhabwa amakuru byabaye ngombwa ko bajya kureba Mugisha ari na bwo bamusanganye ibi bikoresho bivugwa koyabiguraga n’abamaze kubyiba.

Yavuze ko Mugisha akomeje gushakishwa ndetse n’ibikoresho byabitswe na Polisi, anasaba buri muturage kuba ijisho rya mugenzi we mu bijyanyr no kurinda ibikorwa remezo kuko ari iby’Abanyarwanda n’abazabakomokaho.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE