Advertisement
 
 
 
 
 
 
 
 

Amakuru | Mu Rwanda

Kigali: Uwungirije Ban Ki-moon yunamiye Abatutsi bishwe muri Jenoside   

  Yanditswe na NTAWITONDA JEAN CLAUDE
 1 month ago

 
 

Umunyamabanga Mukuru Wungirije wa Loni Jan Eliasson, yunamiye Abatutsi bazize Jenoside ku Rwibutso Rukuru rwa Jenoside rwa Kigali ku wa Mbere tariki 31 Ukwakira, mu ruzinduko rw’iminsi ibiri arimo mu Rwanda.

Uyu muyobozi yari aherekejwe n’ Umuhuzabikorwa w’amashami ya Loni mu Rwanda Lamin Manneh, asobanurirwa byinshi kuri Jenoside yakorewe Abatutsi yabaye hari ingabo ziri mu butumwa bw’amahoro za Loni (MINUAR).

JPEG - 89.4 kb
Jan Eliasson yunamira Abatutsi bishwe muri Jenoside baruhukiye mu rwibutso Rukuru rwa Kigali ku Gisozi

Mbere yo gusura Urwibutso rwa Jenoside yasuye Umudugudu w’icyitegererezo wa Nyagatovu mu karere ka Rwamagana anyurwa n’uburyo iyi midugudu y’icyitegererezo ifite byinshi ihindura ku mibereho myiza y’abaturage .

Jan Eliasson wungirije Ban Ki moon aherekejwe na Eric Bok Umuyobozi mu Ishami rishinzwe ibyo kubungabunga no kugarura amahoro ku isi muri Loni.



Muri uru ruzinduko biteganyijwe ko ari bugirane inama n’abayobozi bakuru barimo Perezida wa Republika Paul Kagame, Minisitiri w’Ububanyi n’amahanga, Minisitiri w’imari n’ingenamigambi, Minisitiri wo gukumira ibiza no gucyura impunzi, Umuyobozi w’Inteko Ishingamategeko, umuyobozi w’Ikigo cy’imiyoborere(RGB) n’abandi.

Bivugwa ko ibiganiro biribanda cyane ku muhate u Rwanda rushyira mu kwihutisha Intego z’iterambere rirambye (SDGs)n’imigambi y’igihugu mu iterambere, imiyoborere n’ibisubizo ku bibazo by’abaturage muri rusange.



JPEG - 106.5 kb
Jan Eliasson yakiriwe na Guverineri Judith Kazayire mu Ntara y’Iburasirazuba
JPEG - 155.2 kb
Uyu muyobozi yasuye ibindi bikorwa by’iterambere
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.