Advertisement
 
 
 
 
 
 
 
 

Amakuru | Mu Rwanda

Kigali: Urubyiruko rwibukijwe amahirwe rufite mu gutinyuka Politiki   

  Yanditswe na Gisubizo Gentil M.
 June 2016

 
 

Ikigo cy’Igihugu cy’Imiyoborere (RGB) cyibukije urubyiruko rw’u Rwanda amahirwe rwahawe yo gukunda no gutinyuka Politiki bagafatanya n’inzego zitandukanye mu kubaka imiyoborere myiza iharanira ubumwe bw’Abanyarwanda, Politiki y’abakoloni igakomeza kuba amateka mu gihugu.

Umuyobozi w’Ishami rishinzwe kwegereza ubuyobozi abaturage muri RGB Kangwagye Justus, yemeza ko urubyiruko rwahawe amahirwe ahagije arukundisha politiki, ku buryo nta mpamvu abona yatuma rutinya kuyijyamo.

Yagize ati “Inkuru nziza ni uko Abanyarwanda bariho uyu munsi cyane cyane abayobozi babo bamaze kugamburuza imyumvire y’abakoloni batumye politiki ibiha, politiki ntibe kubeshya, kubuzabuza, kuriganya cyangwa kurya iby’abandi nkuko babicengeje, ahubwo ikaba urubuga abantu bicaramo bakaganira ibibazo by’igihugu cyabo bagasuzuma inzira banyuzemo babikemura kandi kandi bakiha n’intego.”

Umuyobozi w'Ishami rishinzwe kwegereza ubuyobozi abaturage muri RGB Kangwagye Justus

Yemeje ko urubyiruko rwamaze kwerekwa ukuri kandi na rwo rukaba rwarahagurukiye iyo politiki.

Ati “Urubyiruko rw’u Rwanda ruri mu nzira nziza ishimishije ku bijyanye n’imiyoborere ndetse no kwitabira ibikorwa bya politiki, rufite umwanya uhagije wo kugira ngo amahirwe agenda abasekera bayabyaze umusaruo mu gutera imbere.”

Kangwagye yatangaje urwego Politiki y’u Rwanda igezeho mu rubyiruko ubwo yaganiraga n’urwiga mu mashuri makuru na kaminuza ku wa Gatatu tariki ya 1 Kamena 2016, muri Kaminuza y’Abalayiki b’Abadivantisiti ya Kigali.

Umuyobozi w’Umuryango Nyarwanda w’Urubyiruko Ugamije kwimakaza amahame y’Imiyoborere Myiza na Demokarasi (RGPYD), Karahamuheto Claudius, na we yemeza ko urubyiruko rutasigaye inyuma mu bijyanye na politiki.

Yavuze ko imiyoborere ari ngombwa kuko amahano u Rwanda rwanyuzemo ya Jenoside yakorewe Abatutsi yaturutse ku miyoborere mibi, ariyo mpamvu begereye urubyiruko ngo barutoze gutangira kumenya amahame agenga imiyoborere myiza nk’abayobozi b’ejo hazaza.

Perezida w’Itsinda riharanira imiyoborere myiza muri (UNILAK) Rebero Ange Arnold, yavuze ko ubumenyi bahabwa burushaho kubafasha kwibona muri politiki no mu miyoborere myiza.

Umuryango RGPYDugizwe n’urubyiruko 3211 rubarizwa mu mashuri makuru na kaminuza 32 n’ayisumbuye 15, ukaba unateganya kwegera n’urubyiruko ruri hirya no hino mu mu gihugu binyujijwe mu mirenge.

Abagize uyu muryango bahuje urubyiruko rwo hirya no hino muri za kaminuza n’amashuri makuru, kuri uyu wa Gatatu tariki ya 1 Kamena 2016, muri Kaminuza y’Abadivantisiti ya Kigali(UNILAK) barebera hamwe inshingano mu z’urubyiruko mu iterambere igihugu.

 

Comments

 
 
Minisitiri Busingye yasabye Polisi y’u Rwanda kugendana n’ibigezweho
Minisitiri Busingye yasabye Polisi y’u Rwanda kugendana n’ibigezweho

Minisitiri w’Ubutabera, akaba n’Intumwa Nkuru ya Leta, Johnston Busingye ku cyumweru tariki 26 z’uku Kwezi yabwiye abagize Inama Nkuru ya Polisi y’u Rwanda ko ibikorwa by’uru rwego rw’umutekano (...)

Abanyarwanda barasabwa guteza imbere ururimi kavukire
Abanyarwanda barasabwa guteza imbere ururimi kavukire

Abanyarwanda barasabwa kurebera hamwe uburyo hashyirwa ingufu mu guteza imbere Ikinyarwanda mu burezi, ni mu gihe hizihizwa umunsi mpuzamahanga w’ururimi kavukire tariki 24 Werurwe 2017. (...)

Antoine Hey yasabwe guhesha Amavubi itike ya CAN 2019
Antoine Hey yasabwe guhesha Amavubi itike ya CAN 2019

Umudage Antoine Hey yasinye amasezerano yo gutoza ikipe y’igihugu y’u Rwanda ejo hashize tariki 21 Werurwe 2017 ; yahawe amasezerano y’umwaka umwe ushobora kongerwa igihe yitwaye neza. Perezida (...)

Ingabo z’u Rwanda zirahugurwa ku kurinda ikoreshwa ry’abana mu gisirikare
Ingabo z’u Rwanda zirahugurwa ku kurinda ikoreshwa ry’abana mu gisirikare

Abasirikare 30 batangiye amahugurwa azamara ibyumweru bibiri, aho bazahabwa ubumenyi buzabafasha kugira uruhare mu gukumira iyinjizwa n’ikoreshwa ry’abana mu gisirikare. Ni amahugurwa (...)

 Arkiepiskopi wo muri Pologne yagizwe intumwa ya Papa mu Rwanda
Arkiepiskopi wo muri Pologne yagizwe intumwa ya Papa mu Rwanda

Arkiepiskopi wa diyosezi ya Lauriaco muri Pologne , Musenyeri Andrzej Jowzowicz, yagizwe intumwa y’umushumba wa Kiliziya Gatolika, Papa Francis mu Rwanda kuri uyu wa 18 Werurwe 2017. Jozwowicz (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.