Advertisement
 
 
 
 
 
 
 
 

Amakuru | Mu Rwanda

Kigali: Urubyiruko rwahagurukiye abarushora mu iterabwoba n’abarucuruza   

  Yanditswe na NTAWITONDA JEAN CLAUDE
 2 months ago

 
 

Urubyiruko rw’u Rwanda rwasabwe guhaguruka rukagira uruhare mu guhangana n’abarushora mu bikorwa bibi birimo by’iterabwoba, ubucuruzi bw’abantu cyangwa ubw’ibiyobyabwenge.

Nyuma yo guhabwa ubutumwa urubyiruko rurenga 2000 ruganirizwa ku kurwanya iterabwoba, icuruzwa ry’abantu no kurwanya ibiyobyabwenge, urubyiruko rwo mu karere ka Kicukiro rwiyemeje gutanga umusanzu mu guhangana n’abagerageza kubashora muri ibi byaha byangiza ubusugire bw’igihugu.

JPEG - 230.4 kb
Umuyobozi w’Akarere ka Kicukiro, Dr Jeanne Nyirahabimana (iburyo) yemeje ko uruhare rw’urubyiruko mu gukumira ibyaha bitanga umusaruro

Uru rubyiruko rwari rugizwe abanyeshuri biga mu mashuri yisumbuye na kaminuza, abamotari n’abatwara abagenzi ku magare, rwahigiye gutanga amakuru ku gihe ku wa gatanu tariki 23 Nzeri 2016.

Umumotari witwa Ndahayo Modeste yagize ati “Tugomba gukumira ibyaha bitaraba. Ingabo na Polisi baduhaye nimero wahamagara igihe cyose ugatanga amakuru hakiri kare.”

Uwimigisha Sandrine wiga mu Rwunge rw’Amashuri rwa Kicukiro (G.S Kicukiro) yongeyeho ati “Uruhare rwacu rufite agaciro gakomeye mu guhashya abanyabyaha.”

JPEG - 287.4 kb
Abamotari bahura n’abagenzi banyuranye biyemeje guhorana amakenga

Umuyobozi w’Akarere ka Kicukiro Dr Jeanne Nyirahabimana, yavuze ko impamvu urubyiruko rukangurirwa kugaragara muri uru rugamba ari uko hari ibibazo bamwe muri rwo bafite bigira ingaruka ku gihugu muri rusange.

Yashimangiye ko ibibazo nk’ibi bigomba gukumirwa hakiri kare kugira ngo bitazamera nko mu bindi bihugu urubyiruko rwageze aho kwiturikirizaho ibisasu.

Yavuze ko ingero z’iterabwoba, icuruzwa ry’abantu ndetse n’ikoreshwa ry’ibiyobyabwenge zagaragaye mu gihugu akaba ari yo mpamvu nta gihe cyo kurebera gihari.



Yavuze ko hari umusaruro biteze mu rubyiruko ati “Icyo twiteze ni ugutanga amakuru ku gihe, kuko twamaze kubibona aho twatangaga ibiganiro, urubyiruko rukatubwira ruti ‘murebe aha n’aha’. Inzego z’umutekano ni cyo zibereyeho, wowe ubatungira agatoki bagakurikirana.”

Umuyobozi w’Intara (Division) ya Kigali n’Uburasirazuba mu bya Gisirikare Maj. Gen Mubarak Muganga, yibukije uru rubyiruko ko ari imbaraga z’igihugu arusaba guharanira kutazipfusha ubusa kuko zikenewe mu kubaka igihugu, kucyagura no kugiteza imbere.

JPEG - 338.8 kb
urubyiruko rwahize gutangira amakuru ku gihe
 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.