Advertisement
 
 
 
 
 
 
 
 

Amakuru | Mu Rwanda

Kigali: PAC yagaye abayobozi bahiga ibyo bashinzwe   

  Yanditswe na TWAGIRA WILSON
 1 week ago

 
 

Itsinda ry’Abadepite bagize Komisiyo Ishinzwe Gukurikirana Imikoreshereze y’Imari n’Umutungo by’Igihugu (PAC) basanga nta muyobozi ukwiye guhiga ibisanzwe biri mu nshingano zabo.

Aba badepite banenze iyi mikorere yo guhiga ibisanzwe biri mu nshingano mu biganiro bigamije gusuzuma umushinga w’itegeko rigenga imicungire y’imihigo kuri uyu wa gatatu tariki 23 Ugushyingo 2016.

Abadepite muri komisiyo ya PAC banenze abayobozi bakunze guhiga ibisanzwe biri mu byo bashinzwe gukora, kuko ngo biri mu bituma bamwe bagira amanota ari ku gipimo cyo hejuru mu igenzurwa ry’imihigo.

Umwe mu badepite bagize PAC, Murumunawabo Cecile ati “ Ubundi inshingano zabo koko ziba zanditse, ariko inshingano ni ikintu kinini cyane, ni ukuvuga ngo ibyo ni byo nshinzwe nk’umukozi wa Leta, ahubwo noneho buri mwaka ni iki kijyanye n’inshingano zanjye kizateza imbere iki kigo n’icyo ubuyobozi bwiyemeje kugeraho. Rero ntawe ukwiye gusinya imihigo y’inshingano ze. ”

Visi perezida wa PAC, Depite Karenzi Theoneste avuga ko hajya hagaragazwa ingero z’imihigo kugira ngo hasuzumwe niba zidahuye n’inshingano z’abayisinye, yavuze ko abantu bakwiye guhiga ibirenze ibisanzwe biri mu nshingano zabo.

JPEG - 215.9 kb
BAmwe mu bagize itsinda ry’Abadepite muri PAC

Ashingiye ku rugero rwo murwego rw’u burezi, yagize ati “ Nkubu niba ndi diregiteri w’ishuri, ubusanzwe hatsindaga abana 90% muri cyiciro cya I, nkifuza ko bizagera kuri 95%, kugira ngo bizagerweho ni uko hari ibyo ngomba gukora. Wa muyobozi w’ishuri ni iki gitandukanye n’ibiri mu nshingano ze nka diregiteri azahiga? Umwarimu se we wari usanzwe afite ingengabihe y’amasaha atatu, ni iki azakora kidasanzwe?”

Naho Minisitiri w’Abakozi ba Leta n’umurimo, Judith Uwizeye yuzuzanya n’ibyo abagize PAC bavuga, ku kudahiga ibyo umuntu asanzwe ashinzwe gukora, yitangaho urugero agira ati “Hambere nkiri mwarimu nahigaga ibyo nshinzwe, ugasanga uko umwaka ushize ndakora ‘copy paste’ sibyo rero…”

Minisiteri y’Abakozi ba Leta n’Umurimo ishishikariza abayobozi guhiga ibyo bifuza kugeraho aho guhiga ibyo bazakora kuko n’ubundi baba barashyiriweho gukorera abaturage..

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Nyarugenge: Batanu bafatanywe ikiyobyabwenge cya heroine
Nyarugenge: Batanu bafatanywe ikiyobyabwenge cya heroine

Ku itariki ya 2 Ukuboza, Polisi y’u Rwanda ikorera mu karere ka Nyarugenge yafashe abagabo babiri n’abagore batatu bakekwaho gucuruza ikiyobyabwenge cya Heroine. Abafashwe ni Nikuze Chantal (...)

Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.