Advertisement
 
 
 
 
 
 
 
 

Amakuru | Mu Rwanda

Kigali: Mugimba yavuzwe mu banyamigabane ba RTLM   

  Yanditswe na TWAGIRA WILSON
 5 months ago

 
 

Ku nshuro ya kabiri ubwo bitabaga urukiko rw’Ibanze rwa Nyarugunga, Mugimba Jean Baptiste na Iyamuremye Jean Claude bakurikiranyweho uruhare muri Jenoside yakorewe Abatutsi mu Rwanda, by’umwihariko ubushinjacyaha bushinja Mugimba kuba ari umwe mu banyamigabane ba Radiyo RTLM, imwe mu zagize uruhare mu gikorwa cyo guhembera Jenoside yakorewe Abatutsi mu 1994.

Iyamuremye ashinjwa kuba ari umwe mu bagize uruhare mu rupfu rw’impunzi z’Abatutsi biciwe mu karere ka Kicukiro mu kigo cya ETO aho bari bahungiye, ariko bo bakabihakana.

Urukiko rwasoje rwanzuye ko uyu munsi ku ya 23 Ugushyingo ari bwo mu rukiko rw’Ibanze rwa Nyarugunga hafatwa umwanzuro w’uko abo bagabo 2 baregwa bakomeza gufungwa iminsi 30 iteganywa n’itegeko mu gihe iperereza rigikomeza.

Mugimba Jean Baptiste na Iyamuremye Jean Claude baherutse koherezwa n’u Buholandi ngo baburanishwe ku byaha bya Jenoside bakekwaho, bagejejwe imbere y’ubutabera mu rukiko rw’ibanze rwa Nyarugunga ejo hashize, bakaba baritabye bwa mbere bamenyeshwa ibyaha baregwa, ubwo bagezwaha i Kigali, Umuvugizi w’ubushinjacyaha Faustin Nkusi ni bwo yatangaje ko abaregwa bagize uruhare muri Jenoside mu mujyi wa Kigali, avuga ko umwe muri bo ashinjwa kuba hari abo yarashe mu gihe cya Jenoside mu 1994.

Mugimba yari umukozi wa Banki Nkuru y’Igihugu akaba n’Umunyamabanga Mukuru w’ishyaka rya CDR, ashinjwa ibyaha birindwi birimo icya Jenoside, kugira uruhare muri Jenoside, ubugambanyi bwo gukora Jenoside, ubwicanyi no kurimbura imbaga nk’icyaha cyibasiye inyoko muntu no gushishikariza abantu gukora Jenoside.

Iyamuremye ashinjwa ibyo byaha uretse icyo gushishikariza abaturage kwicwa abandi.

Bitewe n’ubukana bw’ibyaha bashinjwa no kuba baramaze imyaka isaga 20 barahunze, ubushinjacyaha bwasabye urukiko kubafunga kugira ngo hakorwe iperereza ryimbitse bityo bunarangize ibikorwa byo kubashinja.

Nyuma yo kumva ibyo baregwa, Mugimba na Iyamuremye bahakanye ibyo bashinjwa. Ababunganira mu mategeko basabye igihe gihagije kugira ngo abakiliya babo bitegure urubanza no kwisobanura.

 

Comments

 
 
Sen. Tito yahumurije abarokotse Jenoside muri UNILAK
Sen. Tito yahumurije abarokotse Jenoside muri UNILAK

Ku mugoroba wo ku wa kane itariki 27 Mata 2017, abanyeshuri n’abakozi ba Kaminuza y’Abalayiki b’Abadiventiste (INILAK) bifatanyije n’Abanyarwanda kwibuka Abatutsi bazize Jenoside. Senateri Dr. Tito (...)

Bralirwa yashimiwe kubera umubyeyi imfubyi z’abishwe muri Jenoside bayikoreraga
Bralirwa yashimiwe kubera umubyeyi imfubyi z’abishwe muri Jenoside bayikoreraga

Umuryango Uharanira inyungu z’Abarokotse jenoside yakorewe Abatutsi urashimira Uruganda rw’ibinyobwa bisembuye n’ibidasembuye Bralirwa, ku buryo yahindutse umubyeyi w’abana babyawe n’ababyeyi (...)

Rubavu:Umusuwisi n’Umunyekongo bishimiye guhabwa ubwenegihugu bw’u Rwanda
Rubavu:Umusuwisi n’Umunyekongo bishimiye guhabwa ubwenegihugu bw’u Rwanda

Umuturage ukomoka mu gihugu cy’u Buswisi n’undi ukomoka mu gihugu cya Repubulika iharanira Demokarasi ya Congo, bashyikirijwe n’umuyobozi w’akarere ka Rubavu ibyemezo bibemerera kuba abenegihugu b’u (...)

Abapolisi b’u Rwanda 160 bagiye mu butumwa  muri Sudani y’Epfo
Abapolisi b’u Rwanda 160 bagiye mu butumwa muri Sudani y’Epfo

Itsinda ry’Abapolisi (FPU) b’u Rwanda 160 barimo abagore 26 bagiye mu butumwa bwo kubungabunga amahoro bw’Umuryango w’Abibumbye muri Sudani y’Epfo, mu gitondo cyo ku itariki ya 4 Mata. Basanzeyo (...)

RSSB iri kwiga ku kibazo cy’abafite mituweli boherezwa kugura imiti muri farumasi zigenga
RSSB iri kwiga ku kibazo cy’abafite mituweli boherezwa kugura imiti muri farumasi zigenga

Ubuyobozi bw’Ikigo cy’Ubwiteganyirize bw’abakozi (RSSB) ari nabwo bufite mituweli mu nshingano, buratangaza ko bugiye kuganira na Minisiteri y’Ubuzima ku kibazo bamwe mu banyamuryango bashinja (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.