Advertisement
 
 
 
 
 
 
 
 

Amakuru | Mu Rwanda

Kigali: Mu kwezi kumwe abazunguzayi 5000 bazaba bafite iseta   

  Yanditswe na GATETE JEAN BOSCO
 June 2016

 
 

Umuyobozi w’Akarere ka Nyarugenge, Kayisime Nzaramba avuga ko abazunguzayi ibihumbi bitanu bazaba bafite aho bakorera bitarenze ukwezi kwa Kanama.

Kayisime avuga ko ku ikubitiro hubatswe inzu ku bufatanye na UN Women igiye gukorerwamo n’abazunguzayi 60 bibumbiye muri Koperative Dushyigikirane ikorera mu murenge wa Kimisagara.

Akomeza avuga ko bitarenze tariki ya 8 Nyakanga 2016 abazunguzayi ibihumbi 2000 bazaba nabo babonye aho gukorera.

Ati”Nyabugogo ahazwi nko kuri Equity ni abazunguzayi bahihitiyemo ni ku muhanda hameze neza hazaba harimo na Parking ku buryo n’uzifuza kubahahira afite imodoka azajya abagana”.

JPEG - 120.6 kb
Abazunguzayi bibumbiye muri Dushyigikirane bahawe gukorera muri iyi nyubako

Kayisime avuga ko nta bandi batari abazunguzayi bazaza kubatwara ibibanza kuko bose babaruwe n’imyirondoro ikaba izwi bityo ngo ntawaza avuga ko yari umuzunguzayi kandi atari we.

Nyinawamuntu Grace amaze imyaka 15 mu buzunguzayi yagize ati”Ndishimye cyane, si nari nzi ko nava mu muhanda, ngo nze gucururiza nka hano, duhawe isoko ryiza riri hafi n’umuhanda mfite icyizere ko tuzacuruza “.

Yongeyeho ati ”Mu buzunguzayi urarangura waba wikoreye utaranacuruza n’amafaranga 1000 bakaba barabitwaye, ubuzima bw’ubuzunguzayi ntabwo ari bwiza”.

Uyu mutegarugori yizera ko ubwo abonye aho gukorera agiye gukomeza kwita ku bana be.

Ati”Mfite inzozi zo kwigisha abana banjye bakiga ndetse bakazabona ntasaziye mu muhanda nikoreye agatebo”.
Yasabye ko na bo kimwe n’abandi bazunguzayi bahabwa inkunga Leta yageneye abazunguzayi kuko muri Koperative yabo Dushyigikirane iyo nkunga itigeze ihagera, bityo bakabasha kongera igishoro cyabo.

Mukanizeyimana Alice yasabye ko Leta ishyira imbaraga mu kuzana n’abandi kuko kugeza ubu muri ibyo bibanza bahawe barimo ari icumi mu gihe hagenewe gukoreramo abantu 60.

Ati”Niyo twacururiza hano hari bagenzi bacu bakiri mu muhanda nta muntu uzaza kutugurira aciye ku mbuto ziri muri gare no ku muhanda.”

 

Comments

 
 
Uganda yagaruye abanyarwanda babiri bari barayihungiyemo batorotse gereza
Uganda yagaruye abanyarwanda babiri bari barayihungiyemo batorotse gereza

Polisi y’u Rwanda yashyikirijwe abagabo babiri bari barahungiye muri Uganda nyuma yo gutoroka gereza, ikaba yarabakiriye ku italiki ya 21 Gashyantare ku mupaka wa Gatuna. Abagaruwe ni (...)

Min. Kanimba  yasabye umunyamabanga wa EAC gushyira ingufu mu mavugurura
Min. Kanimba yasabye umunyamabanga wa EAC gushyira ingufu mu mavugurura

Minisitiri w’Ubucuruzi, Inganda n’Ibikorwa by’Umuryango w’Afurika y’Uburasirazuba, François Kanimba, yakiriye mu biro bye Umunyamabanga Mukuru w’Umuryango wa Afurika y’Uburasirazuba, EAC, Amb. Libérat (...)

Abahoze ari abajura muri Nyabugogo bashinze ihuriro
Abahoze ari abajura muri Nyabugogo bashinze ihuriro

Urubyiruko rugera ku 157 rwahoze rukora ibikorwa by’ubujura bitandukanye mu gace ka Nyabugogo mu Mujyi wa Kigali rwiyemeje kubireka, ubu rukaba rwarashyizeho ihuriro ryabo ryitwa” Hinduka uhindure (...)

Polisi y’u Rwanda yafatiye ibiyobyabwenge na magendu mu mikwabu
Polisi y’u Rwanda yafatiye ibiyobyabwenge na magendu mu mikwabu

Imikwabu Polisi y’u Rwanda yakoze mu mpera z’icyumweru gishize mu turere twa Huye, Kirehe, Gicumbi na Nyanza yayifatiyemo ibiyobyabwenge by’ubwoko butandukanye na magendu. Uwitwa Ntirenganya Jean (...)

Abatwara imodoka zijyana  abana ku ishuri  baravugwaho kubatendeka
Abatwara imodoka zijyana abana ku ishuri baravugwaho kubatendeka

Ishami rya Polisi y’u Rwanda rishinzwe umutekano wo mu muhanda rirasaba abatwara ibinyabiziga bijyana cyangwa bivana abana b’abanyeshuri ku mashuri yabo, kubahiriza amategeko y’umuhanda kuko hari (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.