2017-06-22 11:06:50 clouds 27o High | Kigali Rwanda

Dukurikire:
 
 

Kigali: Madamu wa Perezida Talon yeretswe imishinga ya Imbuto Foundation

Yanditswe na Claude Ntawitonda

Kuya 2016-11-08 11:00:00

 
Share on:
 
Yasuwe:2
 
Yavuzweho:200
 
10
 
10

Madamu Jeannete Kagame yakiriye Madamu wa Perezida wa Repubulika ya Benin Claudine Talon, mu biro bye amusangiza ku mishinga itandukanye y’Umuryango Imbuto yashinze akaba anawukuriye, kuri uyu wa kabiri tariki 8 Ugushyingo 2016.

Madame Talon yageze i Kigali ku wa mbere mu ruzinduko rw’iminsi ine ruzasozwa kuwa 11 Ugushyingo 2016 aho yakiriwe na Jeannette Kagame. Biteganyijwe ko azasura imishinga na gahunda bitandukanye bya Imbuto Foundation birimo ibijyanye no guteza imbere uburezi, ubuzima, ubukungu, urubyiruko n’umuryango muri rusange.

JPEG - 93.8 kb
Jeannette Kagame yakiriye umufasha wa Perezida wa Benin mu biro bye

Madamu Talon yanasuye Ikigo Isange One Stop Center ku Kacyiru, nyuma y’aho aze kunamira abishwe muri Jenoside yakorewe Abatutsi bashyinguwe mu rwibutso rwa Jenoside rwa Kigali ku Gisozi,.

Na none kandi azasura ibindi bikorwa bya Imbuto Foundation birimo umudugudu w’icyitegererezo wubatse i Kayonza, ishuri ry’inshuke n’ihuriro ry’umuryango n’ibindi.

Madamu Talon aje mu Rwanda nyuma y’uko umugabo we Patrice Talon ahaherutse muri Kanama uyu mwaka ibikorwa by’iterambere bitandukanye n’ibigo birimo Ikigo cy’Igihugu cy’Iterambere (RDB).

JPEG - 88.2 kb
Madamu Talon yasobanuriwe ko Isange One Stop Center itanga serivisi zayo ku buntu

Asura ibikorwa binyuranye biterwa Inkunga na Imbuto Foundation
Madame Talon yunamiye Abatutsi bishwe muri Jenoside

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE