Advertisement
 
 
 
 
 
 
 
 

Amakuru | Mu Rwanda

Kigali: Itangwa ry’ibyangombwa mu bibangamiye igishushanyombonera   

  Yanditswe na DUSINGIZIMANA REMY
 20 April

 
 

Ubuyobozi bw’Umujyi wa Kigali bwagaragaje zimwe mu mbogamizi ishyirwa mu bikorwa ry’igishushanyombonera cy’umujyi rihura na zo, bugaragaza ko uburyo ibyangombwa byo kubakwa bigitangwamo buri ku isonga mu gutinza ishyirwa mu bikorwa rwacyo.

Mu mwiherero w’iminsi ibiri washojwe ku wa Kabiri tariki 19 Mata 2016, Umuyobozi w’Umujyi wa Kigali Mukaruliza Monique n’abamwungirije, abashinzwe gutanga ibyangombwa by’ubwubatsi (One Stop Center), abayobozi b’uturere hamwe n’abandi bayobozi basuzumiye hamwe uko igishushanyombonera cyashyirwa mu bikorwa n’imbogamizi zigihari.

Ikibazo cy’itangwa ry’ibyangombwa byo kubaka, gusana no kuvugurura ni kimwe mu byagarutsweho cyane kuko kiri mu bikizitira iterambere ry’ibikorwa remezo mu mujyi wa Kigali.

Bivugwa ko hari bamwe mu baturage basaba ibyangombwa byo gusana bavuga ko amabati bacuga ko hari bimwe mu bigize inzu zabo byashaje ariko bagahita bubaka inzu yose mu buryo bunyuranije n’igishushanyombonera.

Na none kandi ngo hari n’abubaka inzu ziciriritse mu bibanza bavuga ko ari ibiraro by’inka bikazarangira babihinduyemo inzu zitabonewe ibyangombwa byo kubakwa kuko hagendewe ku byo gusana gusa.

Abayobozi b’Umujyi wa Kigali batangaje ko igitera ibi byose ari uko hari abagenzuzi bake bigatuma aho ibyo byakozwe bitamenyekana.

Umuyobozi w’Akarere ka Gasabo Rwamulangwa Steven yemeje ko ibyangombwa byo gusana bitagenda kuko abaturage n’abayobozi batabyubahiriza, ati “Umuturage wasabye ibyangombwa byo gusana asigaye agenda akarenzaho kandi yakagombye gusaba ibyangombwa by’ibyo yarengejeho bakabimuha. Hari n’abayobozi ku mirenge itandukanye batanga ibyangombwa bashinzwe gutanga bakarenzaho n’ibitari mu nshingano zabo ugasanga batanze ibyakabaye bitangirwa ku rwego rwisumbuyeho wenda tuvuge ibjyanye n’inzu z’ubucuruzi ibyo bibazwa Umujyi yewe si n’akarere.”

Mukaruliza yongeyeho ati “Igishushanyombonera cy’umujyi wa Kigali cyarizwe kandi gishyirwaho mu rwego rwo kugira ngo uyu mugi ube icyitegererezo. Twemeje ko ari abakozi b’uturere n’umujyi ntawe uzongera gutanga ibyangombwa byo kubaka inzu ijyamo umuryango umwe ahakagombye kujya amazu ajyamo imiryango myinshi.”

Yaboneyeho kwibutsa ko ubu hagiye gutangira gukurikiza igishushanyo mbonera hagendewe ku byiciro bikaba byitezwe ko mu 2040 ari bwo Umujyi wa Kigali uzaba uhuje neza n’uko iki gishushanyo mbonera kimeze.

Hagaragajwe ko hari uburyo bushya bugiye gutangizwa buzajya bufasha gutanga ibyangombwa hagendewe ku giteganyijwe gukorerwa ahagaragajwe.

 

Comments

Who are you?
Your post
  • To create paragraphs, just leave blank lines.

 
 
Ubwiza bw’indege ya mbere nini yaraye itashye mu Rwanda (mu mafoto)
Ubwiza bw’indege ya mbere nini yaraye itashye mu Rwanda (mu mafoto)

Indege nshya yiswe ‘Umurage’ yaraye itashye mu Rwanda ku wa 1 Ukuboza 2016 igaragaza umwihariko mu miterere n’ubwiza bibereye amaso. Ikigo RwandAir cyakiriye iyi ndege ‘Airbus 330-300’ ifite (...)

Abapolisi 60 barangije bahuguwe ku buyobozi bwa sitasiyo za Polisi
Abapolisi 60 barangije bahuguwe ku buyobozi bwa sitasiyo za Polisi

Mu rwego rwo gukomeza kongerera ubumenyi abapolisi, ejo icyiciro cya kabiri cy’amahugurwa y’ubuyobozi bwa sitasiyo za Polisi cyarangijemo abapolisi 60 ku Ishuri rikuru rya Polisi (NPC) riri mu (...)

Kibeho: Ikibazo cy’amaresitora n’amacumbi kiracyari ingorabahizi
Kibeho: Ikibazo cy’amaresitora n’amacumbi kiracyari ingorabahizi

Mu gihe tariki 28 Ugushyingo buri mwaka hizihizwa umunsi w’ibonekerwa i Kibeho mu karere ka Nyaruguru, abaturuka hirya no hino baba bitabiriye uyu munsi mukuru, batangaza ko umutekano basanga mu (...)

U Rwanda rwasabye guhata ibibazo abasirikare 20 b’Abafaransa
U Rwanda rwasabye guhata ibibazo abasirikare 20 b’Abafaransa

Ubushinjacyaha bw’u Rwanda bwasabye Urukiko Rukuru rw’u Bufaransa ubufatanye mu gukurikirana abasirikare b’Abafaransa bakurikiranyweho uruhare bagize muri Jenoside yakorewe Abatutsi muri Mata 1994. (...)

Leta yishimira kuba ibiribwa byinshi mu bitunze Abanyarwanda babyihingira
Leta yishimira kuba ibiribwa byinshi mu bitunze Abanyarwanda babyihingira

Leta y’u Rwanda yagaragaje ko iterwa ishema no kuba ibiribwa byinshi bitunze abaturage biva muri bo, ibindi bikeya akaba ari byo biva mu mahanga. Mu nama mu nama nyungurabitekerezo ku isano iri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.