Advertisement
 
 
 
 
 
 
 
 

Amakuru | Mu Rwanda

Kigali: Impunzi z’Abanyekongo n’iz’Abarundi ntizicyitiranya ihohoterwa n’uburenganzira   

  Yanditswe na NTAWITONDA JEAN CLAUDE
 1 week ago

 
 

Bamwe mu bahungiye mu Rwanda baturutse muri Repubulika Iharanira Demokarasi ya Congo no mu Burundi barashimira Leta y’u Rwanda n’abafantanyabikorwa bayo babafashije gutandukanya ihohoterwa n’imyitwarire ishingiye ku muco babonaga nk’ibisanzwe.

Abagore bahunze bavuye muri Repubulika Iharanira Demokarsi ya Congo (RDC) bavuga ko batarava mu gihugu cyabo bari bazi ko nta mugabo ujya gukora mu mirima cyangwa guhahira urugo, ahubwo babimenye bageze mu Rwanda.

Ubwo Imvaho Nshya yavuganaga na bamwe muri izi mpunzi bacumbitse mu mujyi wa Kigali bakaba bahabwa amahugurwa n’Ihuriro ry’Imiryango itanga ubufasha mu by’amategeko (LAF), bagaragaje uburyo bahinduye imyumvire ku bw’impinduka basanze mu Rwanda.

Umulisa Melisa wahungiye mu Rwanda mu mwaka wa 2000 aturutse muri RDC yavuze ko abagore mu gihugu cye barenganye kuko ari bo bagomba guhahira urugo, bakagaburira abagabo.

Yagize ati “Iwacu nta mugabo ukora ariko nageze mu Rwanda nsanga umugabo asabwa gufatanya n’umugore bagahahira urugo.”

Ibiba muri Congo bitandukaye n’iby’i Burundi kuko ho ngo umugabo ni we ugomba gukora, ariko umugore akamusaba ibyo ashaka atitaye ku kuba bihenze kuko yumva ari inshingano z’umugabo kubimushakira.

JPEG - 55.7 kb
Nyiramugwaneza Yvone Umuhuzabikorwa w’Umushinga w’Ihuriro ritanga Ubufasha mu by’Amategeko (LAF)

Irindi hohoterwa bahuriraho ni irikomoka ku mico ya Kinyafurika aho usanga hari ihohoterwa rikorwa rigakingirwa ikibaba, abagabo bakiharira ijambo mu ngo n’ibindi.

Nyiramugwaneza Yvone Umuhuzabikorwa w’Umushinga w’Ihuriro ritanga Ubufasha mu by’Amategeko (LAF) yashimiye impunzi zigaragaza umuhate wo kumenya amategeko n’ubutabera mu Rwanda, agaragaza ko batangiye guhugura impunzi nyuma yo kwakira abenshi muri bo bahohotewe bifuza kunganirwa.

Yagize ati “Tubasobanurira uburyo amategeko y’u Rwanda ahana ihohoterwa iryo ari ryo ryose cyane cyane irishingiye ku gitsina.”

Yakomeje avuga ko abenshi muri izi mpinzi bamaze kugero rushimishije bitabira gahunda za Leta zijyana no guharanira uburenganzira bwa muntu nko kwandikisha abana, kugira uruhare mu guhashya ihohoterwa rishingiye ku gitsina n’ibindi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gasabo: Yapfuye agwiriwe n’ikirombe yibagamo gasegereti
Gasabo: Yapfuye agwiriwe n’ikirombe yibagamo gasegereti

Minani Selvirien yapfuye ubwo yacukuraga gasegereti mu buryo butemewe n’amategeko mu murenge wa Nduba, mu karere ka Gasabo. Uyu mugabo yagwiriwe n’ikirombe ubwo yibaga ariya mabuye ahasanzwe (...)

Minisitiri Murekezi yakiriye indahiro z’abashinjacyaha bane
Minisitiri Murekezi yakiriye indahiro z’abashinjacyaha bane

Minisitiri w’Intebe Anastase Murekezi yakiriye indahiro z’Abashinjacyaha bane, ku wa Kabiri ku ya 7 Ukuboza 2016. Batatu barahiriye gukora mu bushinjacyaha ku rwego rwisumbuye ni Murigirwa (...)

Kigali: Abana batatu bamaze gupfa barohamye mu minsi 10 gusa
Kigali: Abana batatu bamaze gupfa barohamye mu minsi 10 gusa

Abana batatu barohamye mu bidendezi by’amazi n’imigezi aho baba bidumbaguza mu Mujyi wa Kigali honyine mu minsi icumi ishize. Umuvugizi wa polisi mu mujyi wa Kigali, SP Emmanuel Hitayezu, (...)

Kigali: Polisi yafashe ibyuma by’imodoka bya miliyoni  24
Kigali: Polisi yafashe ibyuma by’imodoka bya miliyoni 24

Polisi y’u Rwanda mu karere ka Nyarugenge yafashe ibyuma by’imodoka bifite agaciro ka Miliyoni 24 z’amafaranga y’u Rwanda byibwe Kompanyi ikora imirimo y’Ubwubatsi yitwa NPD- COTRACO. Umuvugizi wa (...)

Jeannette Kagame arishimana n’abana mu birori bisoza umwaka
Jeannette Kagame arishimana n’abana mu birori bisoza umwaka

Kuri iki cyumweru tariki 4 Ukuboza 2016, Madamu Jeannette Kagame arakira abana baturutse muturere 30 tw’igihugu mu birori byo gusoza umwaka wa 2016 anabifuriza Umwaka Mushya Muhire wa 2017. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.